Bu məmura qarşı ciddi ittihamlar VAR

Azərbaycan Respublikasının dövlət müstəqilliyinin bərpasının 25-ci ildönümünə həsr olunmuş rəsmi tədbirdə Prezident İlham Əliyev bildirdi ki: “Azərbaycanda idarəçilik sahəsində ciddi islahatlar aparılır. Xoşagəlməz hallarla ciddi mübarizə gedir. Bu sahədə görülən tədbirlər ciddi nəticələr verir. Korrupsiya, rüşvətxorluq bizim uğurlu inkişafımızı əngəlləyən əsas bəlalardır. Bu istiqamətdə də institusional tədbirlərin görülməsi öz gözəl nəticəsini verməkdədir.”
Təəssüflər olsun ki, Dövlət Başçısının korrupsiya və rüşvətxorluqla mübarizə istiqamətində apardığı məqsədyönlü fəaliyyətə mane olmaq cəsarətində olan məmurlar hələ də görəvlərinin başındadırlar. Bəzi nazirliklərin, dövlət komitələrinin, səhmdar cəmiyyətlərin rəhbərləri qüsurlu hərəkətləri, təkəbbürü, ən başlıcası isə yarıtmaz əməlləri ilə vətəndaşı öz dövlətindən və hakimiyyətindən narazı salan bu cür müəssisə rəhbərlərini nəinki gizli, hətta açıq şəkildə qoruyurlar. Sanki yöndəmsiz idarəçiliyi ilə ad çıxarmış bu cür müəssisə rəhbərləri bilərəkdən şımarıqlaşdırılır. Beləliklə bir nazirin, komitə sədrinin və ya səhmdar cəmiyyət rəhbərinin hikkəsinin nəticəsi ölkə insanının dövlətinə və hökumətinə inamını sarsıdır. Hər halda bunu məntiq deyir.
Conflict.az-ın ötən saylarında Əmək və Əhalinin Sosial Müdafiəsi nazirliyinin tabeliyində fəaliyyət göstərən Dövlət Sosial Müdafiə Fondunun İmişli rayon şöbəsində baş verən rüşvət olayları ilə bağlı bir neçə audio – müsahibələr dərc edilmişdi. Xatırladaq ki, həmin səs yazılarının birində Dövlət Sosial Müdafiə Fondunun İmişli rayon şöbəsinin ünvanlı sosial yardım və sosial pensiya şöbəsinin inspektoru Bakir Məmmədov təqaüdü hesabına köçürülməyən III qrup əlildən müxtəlif bəhanələr gətirməklə, pul istəyit. Bakir Məmmədovun öz dili ilə rüşvət istədiyi səs yazısı belə Əmək və Əhalinin Sosial Müdafiəsi nazirliyini, konkret nazir Səlim Müslümovu hərəkətə gətirmədi. İnspektorun öz dili ilə rüşvət istəməsi və nazirliyin bu cür biabırçı olaya seyirçi mövqedə qalması olduqca təəccüb və təəsüf yaradacaq vəziyyətdir. Görəsən cənab Səlim Müslümov bununla nə demək istəyir? Axı baş verən hadisə ilə nazirin KİV-də səsləndirdiyi fikirlər tərs mütənasibdir. Əgər nazir son illər vətəndaş – məmur təmasının minimuma enməsini iddia edirsə, İmişlidə Səlim Müslümovun rəhbərlik etdiyi qurumda çalışan məmur artıq vətəndaşın nəinki özü, hətta birbaşa cibi ilə təmas qurur. 4 aydır təqaüdünü ala bilməyən əlil probleminin araşdırılması üçün İmişli DSMF-yə müraciət edir, ünvanlı sosial yardım və sosial pensiya şöbəsinin inspektoru Bakir Məmmədov III qrup əlilə onun “probleminin” həllinin olduqca çətin olduğunu deyir. Ustalıqla müxtəlif bəhanələr uyduran inspektor marağı təmin edilmədiyi üçün təqüdçüyə çatan 4 aylıq vəsaitin yalnız 15 günlük miqdarını ala biləcəyini söyləyir. Yəni III qrup əlilin dövlətdən aldığı təqaüdü belə İmişli DSMF-də şöbə əməkdaşının “yardımı” olmadan alması mümükünsüzdür. Bakir Məmmədovun janqlyorluğunun sonu III qrup əlildən 30 manat rüşvət istəməklə sonuclanır. Nəticə, Bakir Məmmədov və onu birbaşa himayə edən İmişli DSMF-nin müdiri İntiqam Əliyev hətta bu hadisədən sonra belə hələ də görəvlərinin başndadırlar.
Məlumatın dərcindən cəmi iki gün sonra Ağdam rayonundan olan məcburi köçkun, İmişli rayon Bəciravan kəndində məskunlaşmış, II qrup əlil Yaqub Orucov redaksiyaya telefon açaraq bildirdi ki, İmişli DSMF-nin müdiri İntiqam Əliyev ona iş otağında oğlu, II qrup əlil Orucov Elgün Yaqub oğlunun təqaüdünü kəsəcəyini deyib. İntiqam Əliyev Y.Orucova buna səbəb kimi Elgünün işlədiyi müddətdə əmək haqqından DSMF-yə hər hansı məbləğin daxil olmamasını göstərib. Şikayətçi cavabında bu məsələnin həlli məsuliyyətinin fəhlənin deyil, məhz müəssisənin aidiyyatı strukturunda olduğunu söyləsə də, DSMF müdiri məcburi köçkünlə razılaşmayıb və onu otağından qovub. Yaqub Orucov II qrup əlil övladına qarşı atılan bu addımı DSMF sədrinin ondan maddi istəklərinin olması ilə əlaqələndirmişdi. “…Əgər məndən umacaqları olmasa idi sənədlərimi əvvəldən qəbul etməzdilər. Mən sənədi təqdim edəndə İmişli DSMF-nin əməkdaşı biz sənin işini “düzüb-qoşacağıq”, səndə bu işlərin necə “həll” olunduğunu bilirsən də, mənə istəyini açıq şəkildə bildirmişdi.” – deyə əməkdaşımıza audio – müsahibə verən Yaqub Orucovla bağlı məlumatın dərcindən bir gün sonra məcburi köçkünə qarşı İmişli DSMF-nin rəhbərliyi tərəfindən təzyiqlər başladı.
Təkrar redaksiyaya telefon açan məcburi köçkünə mətbuatda dərc edilən audio – müsahibəsindən imtina edəcəyi və ittihamlarını əsəbi halda söylədiyi ilə bağlı izahat yazacağı təqdirdə əlil övladının təqüdünə toxunulmayacağı vədini verirlər. Biz həmin vaxtda qeyd etmişdik: Əlil və ya qocanın təqaüd, müavinət və ya s. adda aldığı müavinət kimsənin şəxsi əmlakı deyil. Ölkə Qanunları əsasında təyin olunmuş dövlət vəsaitidir. Bəs elə isə nədən Səlim Müslümovun rəhbərlik etdiyi nazirliyin İmişlidəki qurumunun rəhbəri İntiqam Əliyev bu kateqoriyaya aid olan insanların özünə borclu olduğunu düşünür? Bu gün Yaqub Orucovun sağlıq durumu ilə bağlı Conflict.az-a daxil olan məlumatda bildirlir ki, həmin hadisədən sonra II qrup əlil olan məcburi köçkünün səhhətində ciddi problemlər yaranıb. Əslində Yaqub Orusov audio – müsahibəsində İntqam Əliyevin öz xidməti otağında ona qarşı hədələyici hərəkətlərindən sonra özünü olduqca pis hiss etdiyini qeyd etmişdi. Audo – müsahibəsində “pilləkənləri necə düşdüyümü bilmədim” – deyən II qrup əlil məcburi köçkünə qarşı sonrakı təhrikedici təzyiqlər də nəticədə Yaqub Orucovun səhhətinə təsirsiz qalmadı.
II qrup əlil olan məcburi köşkünə qarşı DSMF-nin İmişli rayon şöbəsindəki məlum hadisədən isə cəmi bir gün sonra, eyni məzmunlu hərəkətlər yazıçı – jurnalist, II qrup əlil Məryəm Şahverdiyevaya qarşı da edilir. Belə ki, yuxarıda qeyd olunduğu kimi, özüdə II qrup əlil olan Məryəm Şahverdiyevanın yaşlı anasının problemləri ilə bağlı DSMF-nin İmişli rayon şöbəsinə müraciəti zamanı şöbə müdiri İntiqam Əliyev xəstə qadını nənki qəbul etməyib, hətta köməkçisinə onu qəbul otağından uzaqlaşdırmağı tapşırıb. Redaksiyaya telefon açan Məryəm Şahverdiyeva əməkdaşımıza verdiyi audio – müsahibəsində bildirdi ki, DSMF-nin İmşli rayon şöbəsinin əməkdaşlarından biri onun gözləri önündə şöbəyə müraciət edən vətəndaşdan 15 manat rüşvət alıb. Yazıçı – jurnalistin DSMF əməkdaşının hərəkətinə etirazından sonra aldığı cavab isə daha orjinal olub: “Məryəm xanım bu rüşvət deyil şirinlikdir.” Xatırladaq ki, Yaqub Orucovun audio – müashibəsini dinləyən DSMF-nin İmişli rayon şöbəsinin müdiri İntiqam Əliyevdə sonda eyni məzmunlu cümlə ifadə etmişdi: “burada nə var ki, aldığımız rüşvət deyil şirinlikdir”.
DSMF-nin İmişli rayon şöbəsinin müdiri və əməkdaşları ilə bağlı vətəndaşın öz səsi ilə səsləndirdiyi ittihamlara məhz Əmək və Əhalinin Sosial Müdafiəsi nazirliyinin, konkret nazir Səlim Müslümovun hələ ki, biganə qalması, İnitqam Əliyevin və onun komandasının məğlubedilməz obarazını yaradır. Əslində ən böyük yanlışlıq da budur. Bu cür düşünənlərə ən tutarlı cavabı cənab Prezidentin məmur övladları ilə bağlı söylədiyi fikirlərində axtarmaq lazımdır: “Vəzifəli şəxslərin uşaqları qudurğanlıq edirlər. İnsanları təhqir edirlər. Özlərini apara bilmirlər. Kim onlara bu statusu verib cəmiyyətdə? Onların, necə deyərlər, güvəndiyi adamları mən təyin eləmişəm vəzifəyə. Mən də çıxardacağam, lazım bildikdə. Bir də bilsəm ki, kiminsə ailə üzvü haradasa xuliqanlıq eləyir, nadanlıq eləyir, özünü apara bilmir, o adam həbs ediləcək, atası işdən qovulacaq”.
Mövzuya qayıdacağıq.
Redaksiyadan: Məlumatda adı çəkilən qurum və ya şəxslərində mövqelərini dinləməyə hazırıq.
Siam.az

---

---