Gürcüstana gedənlərin diqqətinə: “Qırmızı körpü”də məhdudiyyət: Sürücü və piyaladalara yeni qaydalar

Azərbaycan Gömrük Komitəsi Qırmızı körpüdə gömrük keçid məntəqəsində vətəndaşların maşınla keçidinin 72 saatdan bir olmasıyla bağlı məhdudiyyət tətbiq edib.



Qazax rayon sakini İlham Musayevin Cebhe.info-ya verdiyi məlumata görə, bu məhdudiyyət təxminən 1 aydır davam edir: “Bununla yanaşı piyadaların keçidinə də 24 saatdan bir keçməsilə bağlı məhdudiyyət tətbiq edilib. Bu məhdudiyyətlər əsasan Qazax və ətraf rayon sakinlərinin narazılığına səbəb olub. Demək olar ki, hər bir ailənin Gürcüstanın azərbaycanlılar yaşayan kəndlərində qohumları var.

Digər tərfdən həkimə və digər səbəblərdən dolayı Gürcüstana üz tutanlar bu məhdudiyyətlərdən dolayı əziyyət çəkirlər”.

İlham Musayev həmçinin bildirib ki, bu məhdudiyyətləri yeni rəis müavini təyin olunmuş baş leytinant Vüsal İbrahimov tərəfindən tətbiq olunub: “Keçid məntəqəsinə əlavə “raşotkalı” qapılar quraşdırılıb. Şikayətlərə isə heç kim baxmır”.

Məsələ ilə bağlı Gömrük Komitəsi ilə əlaqə yaratmaq cəhdimiz baş tutmadı. Mövzunu diqqətdə saxlayacağıq.

---

---