Müharibə bitib: Avropanın güc mərkəzləri "ofsaytda" - FAKT BUDUR!

Müharibə bitib: Avropanın güc mərkəzləri "ofsaytda"
"Cənubi Qafqaz regionu, xüsusilə Azərbaycanın 44 günlük müharibədən sonra yaratdığı reallıq qlobal səviyyədə bütün diqqətlərin bölgəyə yönəlməsinə səbəb olub. Yaxşı mənada Azərbaycan Cənubi Qafqazı sülh və əməkdaşlıq platformasına çevirmək istədiyini dünyaya bəyan edib".
Bu barədə millət vəkili Tural Gəncəliyev deyib. Deputat bildirib ki, ən mötəbər beynəlxalq tədbirin - COP29-un ölkəmizdə keçirilməsi dünyanın Azərbaycanın əməyinə, siyasətinə verdiyi böyük önəmdir: "Əfsuslar ki, bu müsbət kontekstdə Avropa İttifaqının Ermənistanda "mülki missiya" adı altında hərbi məqsədlər güdən missiyanın destruktiv hərəkətlərini görürük. Son zamanlar şərti sərhəd zolağında Aİ missiyasının nümayəndələrinin erməni hərbçilərlə birlikdə müşahidə aparması, fransız səfirin yersiz olaraq riskli zonaya gəlməsi, təxribat xarakterli hərəkətləri Avropa güc mərkəzlərinin regionla bağlı məkrli planlarından əl çəkməməsini göstərir. Onlar Ermənistan-Azərbaycan münasibətləri həll edildikdən sonra "ofsaytda" qaldıqlarını anlayırlar. Artıq əllərində hansısa rıçaq, manipulyasiya aləti yoxdur. Məcburdurlar ki, Aİ missiyası adı altında hansısa məsələlərə müdaxilələr etsinlər".

Parlament üzvü vurğulayıb ki, Avropa İttifaqının tarixinə nəzər salsaq, qurumun özünü axtarıb tapmadığını görərik: "Bu, əslində, hərbi komponenti olmayan, daha çox "əməkdaşlıq və iqtisadi birlik" üzərində qurulmuş təşkilatdır. Avropa İttifaqının əsası necə, nəylə qoyulub? 1951-ci ildə 6 dövləti - Belçika, Qərbi Almaniya, Lüksemburq, Fransa, İtaliya və Hollandiyanı birləşdirən “Avropa Kömür və Polad Birliyi” yaradılıb. Sonrakı illərdə Avropa İttifaqının hərbi güc komponenti istiqamətində axtarışlar başladı. Aİ-nin ABŞ-dən asılı olmadan, özünün "Avropa ordusu"nu yaratmaq məsələsi gündəmə gəldi, amma bu da alınmadı. Hamısı da müvəffəqiyyətsizliyə düçar olub. 2006-cı ildə Aİ-nin Konkoda missiyası var idi və iflasa uğradı. 2013-cü ildə Liviyada hakimiyyəti dəyişdikdən sonra orada "xüsusi missiya" təşkil etdilər, o da uğursuzluqla nəticələndi. Əfqanıstana göndərilmiş Aİ missiyası da çox bərbad fəaliyyəti ilə yadda qaldı. Təsəvvür edin, ABŞ-nin, Avropanın Əfqanıstanda olduğu dövr ərzində orada narkotik dövriyyəsinin həcmi daha da artdı. Bunlar göstərir ki, Aİ missiyaları "sülh yaratma" adı altında regionlara müdaxilə edirlər, xaoslar yaratmaqla öz maraqlarını təmin etməyə çalışırlar".
Tarix: 6-11-2024, 13:58
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman