QMİ: “Axund vəzifəsinin ləğvi vətəndaş qarşıdurması deyil”

QMİ: “Axund vəzifəsinin ləğvi vətəndaş qarşıdurması deyil” Qafqaz Müsəlmanları İdarəsinin (QMİ) sədri Allahşükür Paşazadənin "Axund vəzifəsi tədricən yığışdırılacaq və vahid idarəçilik sisteminə keçiləcək” açıqlaması cəmiyyətdə birmənalı qarşılanmayıb.

Dini Qurumlar üzrə Dövlət Komitəsinin keçmiş sədri Rafiq Əliyev Modern.az-a açıqlamasında bildirib ki, bu dəyişiklik sünni-şiə mübahisəsini alovlandıra bilər:
“Sünnilərdə axund adı işlədildiyi halda, bu, şiələrdə imamdır. Bu səbəbdən axund sözünün yığışdırılıb, onun yerinə ancaq imam sözünün işlədilməsi sünnilərin narazılığına səbəb ola bilər. Bu qərar sünni-şiə problemini daha da alovlandıracaq, ona görə də qərarın mənfi nəticələrini nəzərə almaq lazımdır”.

Məsələ ilə bağlı QMİ sədrinin ictimaiyyətlə əlaqələr və ailə məsələləri üzrə müavini Qəmər Cavadlı Modern.az-a açıqlamasında kütləvi informasiya vasitələrinə məsələnin mahiyyətini düzgün araşdırmağı tövsiyə edib:
QMİ: “Axund vəzifəsinin ləğvi vətəndaş qarşıdurması deyil”
“Çox təəssüf edirik ki, məzhəblərarası yaxınlaşmaya xidmət edən istilah (ifadə) reformasını bizim KİV-lər vətəndaş qarşıdurması kimi səciyyələndirməyə çalışırlar. Məsləhət görərdim ki, məsələnin mahiyyətini düzgün araşdırasınız”.

Gülşən RAUFQIZI
Tarix: 24-09-2017, 14:07
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman