“Azercell”dən abunəçilərinə ŞOK ZƏRBƏ - BAHALAŞMA qərarı verildi...


“Azercell Telekom” bəzi tarifləri artırır, bəzi tarif paketlərini isə ləğv edir.

İqtisadiyyat.az-ın əldə etdiyi məlumata görə, mobil operator bəzi tarifləri 20-33% civarında bahalaşdırır.

Mobil operator qeyd edib ki, fakturasız (SimSim) xətt sisteminə aid nömrələrin abunəçilərinin istifadəsi üçün nəzərdə tutulmuş “İstəSən” tarif paketi və “GəncOl” tarif paketləri çərçivəsində təqdim edilən istifadə imkanı istifadə müddətindən əvvəl bitdikdə, həmçinin müvafiq paketin yenilənməsi üçün nömrənin balasında kifayət qədər vəsait olmadıqda ölkədaxili zəngin 1 dəqiqəsi üçün 0,08 AZN xidmət haqqı tətbiq ediləcək. Bundan əvvəl isə sözügedən zənglərin 1 dəqiqəsi 0,06 AZN-dən hesablanıb.

Bundan əlavə, “Bölgə” tarif paketi çərçivəsində bölgələrdə ölkədaxili zəngin 1 dəqiqəsi üçün xidmət haqqı 0,05 AZN-dən 0,06 AZN-ə artırılıb. Bununla belə, müvafiq paket çərçivəsində şəbəkədaxili zənglərin 3-cü dəqiqədən sonra pulsuz olan 1 zəngin müddəti 15 dəqiqədən 20 dəqiqəyə artırılıb.

“Azercell” bildirib ki, mayın 13-dən etibarən “Hədiyyəli eSim” kampaniyasına yeni qoşulmaları dayandırır. Qeyd olunan tarixədək Kampaniyaya qoşulmuş abunəçilərə Kampaniyanın mövcud şərtləri və qaydaları tətbiq ediləcək. “Sərbəst 6”, “Sərbəst 10”, “Sərbəst 15”, “Sərbəst 25”, “Sərbəst 50” və “Sərbəst 75” tarif paketləri isə ləğv ediləcək.

Qeyd edək ki, bütün sözügedən dəyişikliklər mayın 13-dən qüvvəyə minəcək.
Tarix: 9-05-2024, 07:43
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman