İmişlidə narazılığı kimlər yaradır... - İDDİA

İmişlidə narazılığı kimlər yaradır...
Ölkə Prezidentinin apardığı uğurlu siyasətin tərkib hissələrindən biri də ərzaq təhlükəsizliyi ilə bağlı müəyyən etdiyi strategiyadır.

Bu sahə ilə məşğul olanlara güzəştli kreditlərin verilməsi, istehsalçının mənafeyinə uyğun vergi islahatları və s. həmin siyasətin tərkib hissəsidir. Lakin təəssüflə qeyd etməliyik ki, bölgələrdə bu siyasətə kölgə salacaq kifayət qədər dövlət məmurları var. Xatırladaq ki, bir müddət əvvəl mətbuat Azərbaycan Respublikası Meliorasiya və Su Təsərrüfatı Açıq Səhmdar Cəmiyyətinin sədri Əhməd Əhmədzadənin rəhbərlik etdiyi dövlət müəssisəsinin tabeliyində olan qurumların bəzilərində baş verən qanunsuzluqlarla bağlı araşdırmalar dərc etmişdi. Məsələnin ən qəribə tərəfi isə bu qurumun, tabeliyndə olan dövlət müəssisələri haqqında dərc edilən məlumatlara biganə qalmasıdır. Məhz bu amildir ki, cənab Əhmədzadənin rəhbərlik etdiyi qurumun tabeliyində olan, İmişli rayonunun Qaradonlu kəndində yerləşən Mərkəzi Muğan Kollektorunun İstismarı idarəsinin rəisi Qasım Qasımova müraciətlərə müəssisə rəhbəri bir cavab verir: “Mən Əhməd Əhmədzadənin tapşırığını icra edirəm.”

Oxucuların nəzərinə onu da çatdıraq ki, bu şəxs rayonda kifayət qədər kapitala sahiblənmiş məmur kimi tanınır. Ola bilsin ki, məhz bu amildir ki, Qasım Qasımovu daha ürəkli edir. Onu da qeyd edək ki, Qasım Qasımov bu məsələdə tək deyil. İmişli rayonu Aranlı kəndində yerləşən Mərkəzi Muğan Qış Otlaqlarının Su Təminatı Sistemlərinin İstismarı idarəsinin rəisi Allhaverdi Əliyev də eyni prinsiplə işləyir. Ötən gün rayondakı mənbədən redaksiyaya daxil olan məlumatda qeyd edilir ki, yaz fəsli ilə əlaqədar olduğu üçün hal-hazırda fermerlərin işlərinin ən qızğın vaxtıdır. Taxıl, pambıq və otlaq sahələrinin suvarılması, digər kənd təsərrüfatı məhsullarının əkilməsi üçün ərazilərin arata qoyulması və s. artıq kəndlinin gündəlik iş prinsipinə çevrilib. Lakin mənbə bildirir ki, hər iki müəssisə rəhbərinin fəaliyyətsizliyi nəticəsində kəndlilər sahələrin suvarılmasında ciddi problemlərlə üzləşirlər. Belə ki, su kollektorlarının uzun müddətli təmizlənməməsi suyun sahələrə normal axınının qarşısını alır. Yuxarıda qeyd edildiyi kimi məsələ ilə bağlı hər iki rəisə müraciət ediləndə isə aldıqları cavab birdir: “Biz Əhməd əhmədzadənin tapşırığını yerinə yetiririk.”

Əslində istər Allahverdi Əliyevin, İstərsə də Qasım Qasımovun fermerlərə verdikləri cavab kifayət qədər maraqlıdır. Hər iki rəisin söylədiklərindən belə anlaşılır ki, sən demə Prezident iradəsinə qarşı çıxmağı onlara Əhməd Əhmədzadə tapşırıb. Əks halda Qasım Qasımov sevərək və təkrar-təkrar belə söyləməzdi. Bəs elə isə sual yaranır nədən cənab Əhməd Əhmədzadə Prezidentin müəyyən etdiyi siyasətə qarşı çıxır? Axı hər bir hərəkətin məntiqi nəticəsi olaraq öncə səbəb müəyyənləşməlidir. Nəzərə alsaq ki, İmişli relyefinə görə yarımsəhra əraziyə malikdir. Bu ərazidə şoran torpaqlar üstünlük təşkil edir. Deməli kəndli min bir əziyyətlə münbitləşdirdiyi torpaqda yetişdirdiyi məhsulu özünün illik təminatı üçün nəzərdə tutur. Və məhz Qasım Qasımovun və Allahverdi Əliyevin fəaliyytəsizliyi nəticəsində kəndli həmin illik təminatdan məhrum olursa, o zaman narazlılığın ünvanı ölkə rəhbərliy olur. Çünki zamanında kəndli yaradılmış süni problemlərin həlli ilə bağlı hər iki rəisə müraciət edərkən, onlara ünvan olaraq daha yuxarı instansiyanı – Əhməd Əhmədzadəni göstərmişdilər. Əhmədzadəni təyin edən isə cənab Prezidentdir. Belə çıxır ki, bu siyasət düşünülərəkmi yürüdülür? Əsla belə deyil. Səbəbkar məhz A.Əliyev və Q.Qasımovdur. Diqqətli oxucuların nəzərinə çatdıraq ki, bir müddət əvvəl Qasım Qasımov işindəki nöqsanlarla bağlı ona irad bildirənlərə “ASC mənə ayrılan pulun yalnız 17%-ni verir, o rəqəmlə gördüyüm işdə bu qədərdir” – cavabını vermişdi. Qəribədir ASC rəhbərliyi tabeçiliyində olan müəssisə rəhbərinin bu ittihamına da laqeyid qalmışdı. Deməli...

Mövzuya qayıdacağıq.
Yazıda adı çəkilən şəxslərində mövqelərini dərc etməyə hazırıq.(BakuNews.az) 
Tarix: 15-05-2019, 10:23
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman