80 yaşlı icra başçısının 15 illik hakimiyyəti... - Hər kəs yorulub...

80 yaşlı icra başçısının 15 illik hakimiyyəti...
 Azərbaycanın ən yaşlı icra başçısı hesab olunan Şəmsəddin Xanbabayev artıq Xaçmaz sakinlərini də əməlli-başlı yorub. Bunu DİA.AZ-a müraciət edən sakinlər bildirir. Narazı vətəndaşlar yazır:

"Şəmsəddin müəllim yaşlı-başlı adamdır. Həm o camaatdan, həm də biz ondan yorulmuşuq. Rayona bir gənc və çevik başçı lazımdır ki, illərdir yığılıb qalan problemləri həll etsin. Biz dia.az vasitəsilə Prezientimiz İlham Əliyevə müraciət edirik və xahiş edirik ki, Xaçmazı da gəncləşdirsin".

Sakinlər dia.az-a müraciətlərində qeyd edirlər ki, Xanbabayevin bu gün icra başçısı kimi vəzifədə qalması nə əmək qanunvericiliyi ilə uzlaşır, nə də onun fiziki imkanları yetərli deyil ki, gərəkən anda gərəkən qərarları verə bilsin...

Xatırladaq ki, Şəmsəddin Hüseynqulu oğlu Xanbabayev 1939-cu il aprelin1-də Naxçıvan MR Ordubad rayonunun Aşağı Əndəmic kəndində anadan olmuşdur. Orta təhsilini doğulduğu kənddə almışdır. 1959-cu ildə Azərbaycan Kommunal və Tikinti Texnikumunu bitirmişdir. 1964-1969-cu illərdə Azərbaycan Politexnik İnstitutunda təhsilini davam etdirmişdir.
Əmək fəaliyyətinə 1963-cü ildə Bakı şəhərindəki Ağac Emalı Kombinatında başlamışdır. 1965-ci ilədək II dərəcəli dəzgahçı, yığma sexinin ustası işləmişdir. İki il Abşeron Rayon Kommunal Təsərrüfatı şöbəsində mühəndis olmuşdur. 1967-ci ildən Abşeron Rayon Təmir-tikinti idarəsində iş icraçısı, baş mühəndis, 1968-ci ildən həmin idarənin rəisi, 1976-cı ildən Naxçıvan MR Kommunal Təsərrüfatı nazirinin müavini, 1977-ci ildən Ordubad Rayon İcraiyyə Komitəsinin sədri, 1980-cı ildən Ordubad Rayon Partiya Komitəsinin birinci katibi, 1983-cü ildən Naxçıvan Şəhər Partiya Komitəsinin birinci katibi, 1990-1992-ci illərdə Naxçıvan MR Dövlət Plan Komitəsinin sədri, Naxçıvan MR Baş nazirinin müavini, 1992-ci ildən Naxçıvan Muxtar Respublikasının Baş naziri, 2000-2004-cü illərdə isə Azərbaycan Respublikası Əmək və Əhalinin Sosial Müdafiəsi nazirinin müavini vəzifələrində çalışmışdır.
Azərbaycan Respublikası Prezidentinin 23 oktyabr 2004-cü il tarixli Sərəncamı ilə Xaçmaz Rayon İcra Hakimiyyətinin başçısı təyin edilib.
30 mart 2009-cu ildə Azərbaycan Respublikasının Prezidenti cənab İlham Əliyevin sərəncamı ilə Şöhrət ordeni, 04 aprel 2014 cü il tarixli sərəncamı ilə Şərəf ordeni ilə təltif olunmuşdur.
Ailəlidir, iki övladı var. 
Tarix: 22-05-2019, 14:17
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman