Sabirabadda başçı ilə birinci müavin arasında nüfuz savaşı - İDDİA


bitmap-img6




Birinci müavin Həsən Həsənov başçı Siraqəddin Cabbarova dirsək göstərir...

Rayonun kəndlərində keçirilən görüşlərdə vətəndaşlar, xüsusən də ağsaqqallar ayağa qalxaraq uca səslə Həsən Həsənova minnətdarlıq bildirirlər. Bu da Həsən Həsənovun öz nüfuzunu gözə soxmaq niyyətindən xəbər verir.

Sabirabaddan MilliYol.a-a daxil olan məlumata görə rayona yeni icra başçısı təyin edilmiş Siraqəddin Cabbarovun işləri heçdə uğurlu getmir. Belə ki, hər zaman bütün işlərini birinci müavininə tapşıran və həmişə idarəetmədən bixəbər biri kimi ad çıxardan Siraqəddin Cabbarov bu dəfə Sabirabadda eyni metodla "işləmək" istəyindədir.

Rayonda öz sistemini qurmaq istəyən Siraqəddin Cabbarovun bəzi kadr islahatlarına getmək istədiyi və bu sırada özünə yeni birinci müavin gətirtmək istədiyi məlum olub. Bundan xəbərdar olan hazırkı birinci müavin Həsən Həsənov isə yeni başçıya qarşı öz mövqelərini gücləndirməyə başlayıb.

hesen-hesenov
Həsən Həsənov

Mənbə MilliYol-a bildirib ki, Bakıya gedib kiminləsə görüşəndən sonra Həsən Həsənov Siraqəddin Cabbarovun qol qanadını qırmaq üçün fəaliyyətə başlayıb. İddia edilir ki, başçı müavini artıq indidən öz ətrafını genişləndirməklə rayonun nüfuzlu şəxsləri ilə gizli danışıqlar aparmaqla məşğuldur. Birinci müavin Həsən Həsənov rayonun nüfuzlu şəxslərini öz ətrafına toplayıb icra başçısını özündən asılı vəziyyətə salmaq istəyindədir. Çünki Saatlıda Siraqəddin Cabbarovla işləyən və onu həmişə idarə edən birinci müavin İlham Quliyev başçının zəif yerlərini Həsən Həsənovla bölüşüb.

Məlumata görə rayon kəndlərində keçirilən görüşlərdə vətəndşların, xüsusən də ağsaqqaların ayağa qalxaraq uca səslə Həsən Həsənova minnətdarlıq bildirmələri və onu rayonun ağsaqqalı hesab etmələri onu deməsə əsas verir ki, birinci müavin yaxın aylarda Siraqəddin Cabbarovu öz iradəsinə tabe etməyə çalışır.

Yazıda adı keçən şəxslərin mövqeyini dərc etməyə hazırıq.
Tarix: 19-06-2019, 15:47
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman