İsmayıllının icra başçısı Nahid Bağırov prezident İlham Əliyevin İsmayıllıya səfəri zamanı “Coca-Cola” və “Efes” zavodlarının tikintisinə “Ok” desədə hələ ki, zavodun tikintisindən bir xəbər yoxdur. Bəs maraqlısı odur ki, icra başçısı prezidentə niyə yalan yerə söz verirdi?
 
Hadisədən təxminən bir ilə yaxın müddət keçib, ancaq zavodlardan əsər-əlamət yoxdur. Bu da onu deməyə əsas verir ki, Nahid Bağırov bunu sadəcə olaraq söz xətrinə deyib. İcra başıçı, “Pandemiyadan sonra”, – demişəm deyə bilər, ancaq əldə edilən məlumata görə, pandemiya bəhanədir. Çünki pandemiya dönəmində ölkədə çox sayda zavod və fabirklərin əsası qoyulub. Azərbaycan torpaqlarını işğaıldan azad edib, Ağdam şəhərinin təməli qoyulub. Bütün bunlara baxdıqdan İsmayıllıda “Coca-Cola” və “Efes” zavodlarını tikmək nə qədər çətin məsələ oldu?
 
Görünən odur ki, çiçəyi burnunda başçı aldığı töhmətdən sonra yerini möhkəmləndirmək üçün belə bir sözü yalan yerə verib.
 
Xatırladaq ki, İsmayıllı icra baçısı Nahid Bağırovun adı mətbuatda 40 min manat qalmaqalı ilə gündəmə çevrilib.
 
Belə ki,İcra başçısının fəaliyyəti, həyat tərzi ilə bağlı İsmayıllı rayonun sakinləri arasında çoxlu söz-söhbətlər də gəzir. Şəhid ailələrinə soyuq münasibəti ilə fərqlənən, onların sosial problemlərinə laqeydlik göstərən Nahid Bağırov 40 min manatı küçə və prospektlərdəki divarlara rəsm çəkdirir. Dünya təcrübəsində küçə və prospektlərdəki divarlara rəsmlərin çəkilməsi ənənəsinə istinad edənlər unudur ki, əcnəbi ölkələrdə bu məsələlər bələdiyyələr tərəfindən həyata keçirilir.
 
 Bələdiyyələr isə bu işləri sakinlərinin istəyi üzrə həyata keçirir. Əgər vətəndaşlar istəməsə bələdiyyələr belə işlərə pul xərcləyə bilməz. Ancaq İsmayıllı Rayon İcra Hakimiyyətinin başçısı Nahid Bağırov rayon sakinlərinin rəyini öyrənmədən 40 min manatı divarlara rəsm çəkilməsinə xərcləyir. 3D formatında çəkilən bu rəsmlərin divarlarda nə qədər qalacağı da məlum deyil.
 

---

---