Saatlıda BÖYÜK YEYİNTİ... - Milyonlar belə yeyilir...


Saatlı Suvarma Sistemləri İdarəsinin rəisi Tahir Rzayev Dövlətimizdən milyonları oğurlayır.

Bu barədə KanalS.az-a şikayətçi Asim Əliyev məlumat verib.

Şikayət məktubunu olduğu kimi sizlərə təqdim edirik:

Azərbaycan Respublikasının Prezidenti Cənab İlham Əliyevə (şəxsən özünə)

Surəti: Azərbaycan Respublikasının Korrupsiyaya Qarşı Mübarizə Üzrə Komissiyasına
– Cənab Samir Nuriyevə
– Cənab Fuad Ələsgərova
– Cənab Gündüz Kərimova
-Cənab Vilayət Eyvazova
– Cənab Əli Nağıyevə
– Cənab Adil Əliyevə
– Xanım Əminə Ağazadəyə
– Cənab Elşad Mirbəşir oğluna
– Cənab Arzu Nağıyevə
– Cənab Səfa Mirzəyevə
– Cənab Fərhad Abdullayevə
– Cənab Fikrət Məmmədova
– Cənab Kamran Əliyevə
– Cənab Ramiz Rzayevə
– Cənab Anar Bağırova
– Cənab Ramin Vəlizadəyə

Surəti: Melioraiya və Su Təsərrüfatı ASC-nin sədri Cənab Zaur Mikayılova

Surəti: Azərbaycan Respublikasında fəaliyyət göstərən

Kütləvi İnformasiya Vasitələrinə
Şikayətçi: Asim Əvəz oğlu Əliyev

Ünvan : Saatlı rayon Mollavaizli kəndi
Mobil : (055) 393 94 13
E-mail : [email protected]

ŞİKAYƏT ƏRİZƏSİ

Xahiş edirəm ki, bu məktubumu Cənab Prezident İlham Əliyevə şəxsən çatdırasınız. Korrupsiyaya Qarşı Mübarizə Üzrə Komissiyasının da bütün üzvlərinə bu məktubumun çatdırılmasını xahiş edirəm.

Cənab Prezidentimizin dostları olan
Jurnalistlərin hər birindən xahiş edirəm ki, yazmış olduğum bu şikayət ərizəsinin
Cənab Prezidentimizə çatması üçün xəbər saytlarında işıqlandırsınlar.

Saatlı Suvarma Sistemləri İdarəsinin rəisi Tahir Rzayevin dövlətin büdcəsini necə talan etməsi və milyonları mənimsəməsi barədə bir daha sizə məlumat vermək istəyirəm. Nəzərinizə çatdırım ki, mən əvvəllər nə o idarədə işləmişəm nə
də Tahir Rzayevlə şəxsi ədavətim qətiyyən yoxdur. Sadəcə bu ölkənin bir vətəndaşı olaraq və Cənab Prezidentimizin ictimai nəzarətin gücləndirilməsi çağırışlarına qoşularaq bildirirəm ki, Saatlı Suvarma Sistemləri İdarəsində özbaşınalıqlar baş alıb gedir və idarənin rəisi Tahir Rzayev bu dövlətin
milyonlarını talan edir. Meliorasiya və Su Təsərrüfatı ASC-yə şikayət məktubları
yazsam da qaynar xəttə zəng etsəm də heç bir əhəmiyyəti yoxdur, çünkü Tahir Rzayevin arxasında duran da birbaşa özləridir. Əlimdə kifayət qədər çəkilişlər də var. Xəbər saytlarından xahiş edirəm gəlib məndən müsahibə götürsünlər.

Saatlı Suvarma Sistemləri İdarəsinin balansında 1373,3 km suvarma kanalı var. Belə ki, rayonda iriqasiya işlərinin görülməsinin sifarişçisi olan Suvarma Sistemləri idarəsi podratçı olan Melioservis idarəsinin adına il boyu saxta forma 2 yazdırır. Yəni idarə müdiri Tahir Rzayev sənəddə adı olan özü olmayan işlərə görə
il boyu podratçı olan Melioservis idarəsinə yüz min manatlarla vəsait köçürür və sonradan həmin vəsait nəqdləşdirilərək bölüşdürülür. Əgər yazdıqlarım həqiqət deyilsə o zaman Saatlı rayonunun ən əsas suvarma kanalı olan Sabir kanalından çəkilmiş foto görüntülərə diqqətlə baxın. Şəkillərə baxan zaman açıq-aşkar görünür ki, bu kanal illərdir ki, nə təmizlənir nə də qazıntı işləri aparılır, lakin sənədlərdə
guya təmizləyib qazdıqlarını yazıb yüz minlərlə manatı mənimsəyirlər. Nəyə görə Meliorasiya və Su Təsərrüfatı ASC-dən ekspertlər gəlib sənədlərdə yazılan işləri araşdırmır? Bilirsiz nə qədər kollektorlar və drenlər var ki, 10 illərdir qazılıb təmizlənmir? Saatlı Suvarma Sistemləri İdarəsi 2020-ci ildə ümumi məbləği 667 min 644
manat olan 5 tender müsabiqəsi keçirib. Ən böyük tenderlərin qalibi “UZAY” MMC olmuşdur (422 min 356 manat). Əgər ciddi olaraq yoxlama aparılarsa bu tender “oyunu” nəticəsində idarə rəisi Tahir Rzayevin dövlət büdcəsinə nə qədər
ziyan vurduğunu aşkarlamaq olar. Bütün bunları mən vətəndaş olaraq araşdırıb tapa bilmərəm lakin lazımi qurumlar istəsə bir gün ərzində Tahir Rzayevin bütün çirkin əməllərin ifşa edər. Hər şey göz önündədir və bütün bunları Saatlı rayon İcra Hakimiyyətinə də göndərmişəm hələ ki, xəbər yoxdur. Hələ neçə illər bundan öncə Saatlı rayon Suvarma Sistemləri İdarəsi tərəfindən
Hüsü Hacıyev adına Bəhramtəpə-Sabirabad su kanalının Saatlı rayonunun Bəylik, Mustafabəyli və Qıraqlı kəndləri ərazisindən keçən hissəsinin 4 kilometr sahəsində təmizləmə işlərinin aparıldığı zaman bəlli olub ki, təmizləmə işlərinin aparılmasına dair qanunvericiliyə uyğun qaydada tələb olunan layihə sənədlərinin və dövlət ekoloji ekspertiza rəyi yoxdur. Nazirliyin əməkdaşlarının əraziyə keçirdikləri baxış
zamanı kanalın qeyri-qanuni təmizlənməsi nəticəsində 97 ədəd müxtəlif cinsli və diametrli ağac və kolların çıxarılaraq məhv edildiyi aşkar olunub. Azərbaycan Nazirlər Kabinetinin 2005-ci il 19 sentyabr tarixli 173 nömrəli “Azərbaycan
Respublikasının meşə fonduna daxil olmayan ağac-kol bitkilərinin istifadəsi, mühafizəsi və qorunması Qaydaları haqqında” Qərarının tələbini pozduğuna və Azərbaycan Respublikası İnzibati Xətalar Məcəlləsinin 92.3.3-cü maddəsinə əsasən inzibati xəta törətdiyinə görə Saatlı rayon Suvarma Sistemləri İdarəsinin
rəisi Tahir Rzayev qanunvericiliyə uyğun olaraq inzibati qaydada 582 min manat məbləğində cərimə olunub. Bu sevindirici bir haldır ki, Dövlətimizin gözündən heçnə yayına bilməz. Lakin belə bir sual yaranır ki, Tahir Rzayev bu 582.000 manat cəriməni necə ödədi? Təbii ki, dövlətin büdcəsindən talan etdiyi milyonların
hesabına. Elə bilin dövlətin sağ cibindən oğurlayıb qoyur sol cibinə. Deməli mən şikayətlərimi davam etdirdikcə əsəbiləşən idarə müdiri Tahir Rzayev başladı plan cızmağa ki, Meliorasiya və Su Təsərrfatı ASC ilə razılığa
gəlib bir neçə tanışı olan idarə müdürləri ilə yığılıb məni şərləyərək həbs etdirsinlər. İnanıram ki, Tahir Rzayev bunu edə bilərdi nədə olmasa milyonları var, lakin mən yaxın dostlarımdan bu xəbəri eşidib hüquq-mühafizə orqanlarına məktub yazdıqdan sonra Tahir Rzayevin bu arzusu da ürəyində qaldı. Lakin hələ də Tahir
Rzayev və onun adamları məni şərləmək üçün planlar qurur. Əgər mənim başıma hər hansısa hadisə gələrsə bunun səbəbkarı Tahir Rzayevdir.
Saatlı Suvarma Sistemləri İdarəsinin texnikaları hərəsi bir tərəfdə fəaliyyət göstərir. Elə bil ki, bu texnikalar Tahir Rzayevin baba malıdır. Bu texnikaların ikisinin çəkilişi (49AB100 və 49AC1130) məndə var ki, texnikaların camaatın
həyətində torpaq daşımasını və yaymasını sübut edir. Digər texnikalar isə Tahir Rzayevin qohumuna məxsus araz çayının kənarında olan qum karierində fəaliyyət göstərir. Gəlib yoxlasınlar görək bu karierdən bələdiyyə nə qədər mədən vergisi alıb? Vətəndaş olaraq mənim araşdırmam budursa görün hüquq-mühafizə orqanları istəsə nələr araşdırıb tapar?! Gec-tez Tahir Rzayev həbsdə olan rüşvətxor icra
başçılarının yanına getməlidir. Bütün bunlara göz yummaq Dövlətə xəyanətdir. Ona görə də xahiş edirəm Saatlı Suvarma Sistemləri İdarəsində ciddi yoxlamalar başlanılsın.
Digər ən mühüm məsələlərdən biri isə Saatlı Suvarma Sistemləri İdarəsinin işçiləri hərəsi bir yerdə öz kefindədir. Su Nizamlayıcı qurğuların rəsmlərinə diqqətlə baxın, sizə bu qurğuya nəzarət edən şəxs hardadır? Mənim bildiyimə görə moykada işləyir və maaş kartında alıb qoyub cibinə. İşsiz adam çoxdur Saatlıda və
Tahir Rzayev elə adamların adını işə yazıb ki, bunun gəlib araşdıran olsa nələr ortaya çıxacaq bir Allah bilir bir də Tahir Rzayev. Texnikaları verib işçilərə ki, ged işlə qazan maaş kartınıda alıb qoyub cibinə. Dövlətin texnikaların icarəyə verib. Necə də ağlamalı bir vəziyyətdir ki, elə kanallar lil və qumdan dolub, drenlər və
kollektorlar qazılıb təmizlənmir lakin texnikalar icarədə və orda-burda Tahir Rzayev üçün qulluq edir. Məsələ orasındadır ki, bu adam həm milyonlarına həm də arxasında duran Meliorasiya və Su Təsərrüfatı ASC-nin hansısa rəhbər şəxsinə güvənir.

Mənim göndərdiyim rəsmlər diqqətlə incələnsə həm təmzilənməmiş və qazılmamış Saatlının ən mühüm Sabir kanalını görmək olar həm də kanal
üzərindəki baxımsız qalan sadəcə rənglənərək göz aldadan, qarşısı balaxanı zibilliyinə oxşayan qurğuları görmək olar. Nədənsə bütün bunları görən təkcə mənəm, Meliorasiya və Su Təsərrüfatı ASC bunları görmür.

Bir daha xəbər portallarının rəhbərlərindən və Cənab Prezidentimizin dostları Jurnalistlərdən xahiş edirəm bu məsələni gündəmə gətirsinlər. Təşəkkür edirəm ki, artıq 3 xəbər saytı bu barədə mənim məqaləmi dərc ediblər. Mənim məqsədim sadəcə olaraq həqiqətlərin ortaya çıxmasından ibarətdir. Saatlı Suvarma Sistemləri İdarəsinin rəisi Tahir Rzayev dəfələrlə müxtəlif şəxslərin vasitəsi ilə məni görüşmək üçün dəvət edib lakin mən getməmişəm. Mənə onların təklif edəcəyi nəsə lazım deyil! Mən haqq-ədalətin bərpa olunmasını və Tahir Rzayevin fəaliyyətinin ciddi olaraq araşdırılmasını istəyirəm. Nəyə görə Tahir Rzayev bu Dövlətin milyonların oğurlamalıdır və buna göz yumulmalıdır? Ən əsası mən
Saatlı rayon İcra Hakimiyyətindən xahiş edirəm ki, bu məsələni ciddi olaraq araşdırsınlar. Cənab Prezidentimizin keçən il təyin etdiyi Elmir Bağırov hər bilir ki, tam şəffaf işləyir və rüşvətin əleyhinədir. Bu məsələni İcra Hakimiyyətinə
dəfələrlə yazmışam və bilirəm ki, cənab başçı Elmir Bağırovun ətrafındakılar həqiqətləri ondan gizlədir və bu cür hallara görə də Tahir Rzayev barəsində hələ ki, tədbir görən yoxdur.

Ulu Öndər Heydər Əliyev söyləyib ki: “Dövlət iki şeydən sarsıla bilər, günahkar cəzasız qalanda və günahsıza cəza veriləndə!”

Mən diqqətini Ulu Öndərimizin bu dahi kəlamına çəkmək istəyirəm. Ulu Öndər Heydər Əliyev söyləyir ki, günahkar cəzasız qalanda Dövlət sarsıla bilər! Mən isə Tahir Rzayevin günahkar olmasını bacardığım qədər sübut edirəm lakin siz də bilirsiniz ki, mən hüquq-mühafizə orqanlarının apardığı araşdırmanı heç cür apara
bilmərəm, mənim bacardığım budur. Vətəndaş olaraq daha çox araşdırma aparmaq üçün İnformasiya əldə etmək haqqında Qanuna əsasən 01.10.2021-ci ildə Saatlı
Suvarma Sistemləri İdarəsinin rəisi Tahir Rzayevə informasiya sorğusu ünvanlasam da bu günə kimi mənə heç bir rəsmi cavab gəlməmişdir. Əslində Qanuna uyğun olaraq 7 iş günü ərzində sorğuma cavab verilməli idi, lakin Tahir Rzayev Azərbaycan Respublikasının Qanunlarına qarşı da hörmətsizlik edərək,
mənim hüquqlarımı pozmuş və bütün qanunsuz işlərinin ortaya çıxacağından qorxaraq mənim sorğuma cavab verməkdən yayınmışdır.

Axı Ulu Öndər Heydər Əliyev söyləyib ki: “Meliorasiya və su təsərrüfatı obyektləri bizim sərvətimizdir və bu sərvətdən səmərəli istifadə etməliyik”.

Lakin Tahir Rzayev kimi məmurlar Ulu Öndərin sözlərinin əksinə olaraq nəinki bu sərvətdən səmərəli istifadə etmir əksinə olaraq Dövlətin büdcəsinə ziyan vurmaqla məşğuldur. Kanalların qazılmamasından, texnikaların qanunsuz
işləməsindən, işçilərdən və bir çox hallardan yuxarıda yazdım və xahiş edirəm ki, bütün bu kimi hallar ciddi olaraq arşdırılsın və Tahir Rzayevin etdiyi qanunsuz hərəkətlərə son qoyularaq ona cinayət işi açılsın. Bir daha bütün jurnalistlərdən xahiş edirəm yazdıqlarımı işıqlandırsınlar və məndən müsahibə götürsünlər.
Tarix: 16-10-2021, 11:09
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman