Tərtərin icra başçısı Şəhid ailəsini ziyarət edib

Tərtərin icra başçısı Şəhid ailəsini ziyarət edib
Tarix: Bu gün, 15:20 | Çap et
Tərtərin icra başçısı Şəhid ailəsini ziyarət edib
Tərtər Rayon İcra Hakimiyyətinin başçısı Müstəqim Məmmədov şəhid Verdiyev İsax Ədalət oğlunun ikinci ildönümü ilə əlaqədar Sumqayıt şəhərində yaşayan ailəsini ziyarət edib, qayğıları ilə maraqlanıb, ailə üzvləri ilə birgə onun xatirəsini yad ediblər.
Siam.az xəbər verir ki, ziyarət zamanı şəhid İsaxın ailəsi onun döyüş yolundan söhbət açıb, torpaq uğrunda göstərdiyi qəhrəmanlıqlardan fəxarətlə danışıb. Sonra şəhidin məzarı və xatirəsinə ucaldılmış bulaq ziyarət olunub, üzərinə tər qərənfillər düzülüb, ruhuna dualar oxunub.
İsax Verdiyevin 1997-ci il sentyabr ayının 21-də Tərtər şəhərində anadan olub. Evin tək övladı idi. 5 dil bilən İsax İqtisad Universitetində oxuyarkən savadlı olduğuna görə Türkiyədə təhsil almağa göndərilib.
2020-ci il sentyabr ayının 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı könüllü olaraq savaşıb. O, 2020-ci ilin oktyabr ayının 5-də Füzuli rayonu istiqamətində gedən döyüşlərdə şəhidlik zirvəsinə ucalıb. Ailəli idi, bir oğlu yadigar qalıb.
Döyüş əməliyyatlarını və hərbi hissə qarşısında qoyulan tapşırıqların icrası zamanı vəzifə borcunu şərəflə yerinə yetirdiyi üçün Prezident İlham Əliyevin müvafiq sərəncamlarına əsasən İsax Verdiyev ölümündən sonra “Vətən uğrunda” və “Füzulinin azad olunmasına görə” medalları ilə təltif edilib.
Allah bütün şəhidlərimizə rəhmət eləsin!

Tərtərin icra başçısı Şəhid ailəsini ziyarət edib
Tərtərin icra başçısı Şəhid ailəsini ziyarət edib
Tərtərin icra başçısı Şəhid ailəsini ziyarət edib
Tərtərin icra başçısı Şəhid ailəsini ziyarət edib
Tarix: 6-10-2022, 17:35
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman