Tərtərdə daha bir şəhidin ruhu yad edilib

Tərtərdə daha bir şəhidin ruhu yad edilib
Tərtər Rayon İcra Hakimiyyətinin başçısı Müstəqim Məmmədovun şəhid ailələrini
ziyarəti davam edir. Bu gün o, hüquq-mühafizə orqanlarının rəhbərləri, YAP rayon
təşkilatının sədri və Tərtər Cümə Məscidinin imamı Sadiq Cəfərovla birlikdə rayonun
Evoğlu kəndindən olan 29 yaşlı şəhid Ceyhun Hacızadənin ikinci ildönümü ilə əlaqədar
yas mərasimində iştirak edib, şəhidin ailə üzvləri ilə görüşüb, onlara baş sağlığı verib,
şəhidlərin ruhuna dualar oxunub.
Hacızadə Ceyhun İfrayıl oğlu 16 avqust 1992-ci ildə rayonun Evoğlu kəndində
anadan olub. O, 44 günlük Vətən müharibəsində ərazi bütövlüyümüz uğrunda
Suqovuşan istiqamətində gedən döyüşlərdə şəhid olub. Ölümündən sonra şəhid
Respublika Prezidentinin Sərəncamı ilə “Suqovuşanın azad olunmasına görə” və “Vətən
uğrunda” medalları ilə təltif olunub.
Siam.az bildirir ki, şəhidin ailə üzvləri şəhid və qazi ailələrinə göstərilən diqqət və qayğıya görə
Azərbaycan Respublikasının Prezidenti cənab İlham Əliyevə və Birinci vitse-prezident
Mehriban xanım Əliyevaya minnətdarlıqlarını bildiriblər.
Allah bütün şəhidlərimizə rəhmət eləsin!

Tərtərdə daha bir şəhidin ruhu yad edilib
Tarix: 8-10-2022, 09:51
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman