Tərtərdə daha bir şəhidin xatirəsi yad edilib

Tərtərdə daha bir şəhidin xatirəsi yad edilib
Tərtər Rayon İcra Hakimiyyətinin başçısı Müstəqim Məmmədov Səfərbərlik və
Hərbi Xidmətə Çağırış üzrə Dövlət Xidmətinin Tərtər rayon şöbəsinin rəisi Elşən
Abdullayevlə birlikdə şəhid Mehtiyev Yasən Alim oğlunun ikinci ildönümü ilə əlaqədar
ailəsini ziyarət edib, ailə üzvlərinə başsağlığı verərək, səbr diləyib, onların problemləri
və qayğıları ilə maraqlanıb.

Siam.az xəbər verir ki, Tərtər Cümə Məscidinin imamı şəhidlərin ruhuna dualar oxuyub.

Yasən Mehtiyev 19 yaşında şəhidlik zirvəsinə ucalıb. O, 44 günlük Vətən
müharibəsində oktyabr ayının 23-də Xocavənd uğrunda gedən döyüşlərdə
qəhrəmancasına şəhid olub, oktyabrın 24-də rayonun Sarcalı kəndində dəfn olunub.

Şəhid Mehtiyev Yasən Vətən müharibəsində göstərdiyi igidliyə görə ölümündən
sonra Azərbaycan Respublikası Prezidentinin Sərəncamları ilə “Vətən uğrunda”,
“Füzulinin azad olunmasına görə” və “Xocavəndin azad olunmasına görə” medalları ilə
təltif olunub. Yasənin xatirəsi onu tanıyanların qəlbində həmişə yaşayacaq.

Şəhidin ailə üzvləri şəhid ailələrinə göstərilən diqqət və qayğıya görə Azərbaycan
Respublikası Prezidenti cənab İlham Əliyevə və Birinci vitse-prezident Mehriban xanım
Əliyevaya öz minnətdarlıqlarını bildiriblər.

Allah bütün şəhidlərimizə rəhmət eləsin!

Tərtərdə daha bir şəhidin xatirəsi yad edilib
Tərtərdə daha bir şəhidin xatirəsi yad edilib
Tarix: 24-10-2022, 15:12
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman