YASAMALA BAŞÇI TƏYİNATI GÖZLƏNİLİR – Hansı klan qalib çıxdı?

YASAMALA BAŞÇI TƏYİNATI GÖZLƏNİLİR – Hansı klan qalib çıxdı? Dörd aydan artıqdır boş qalan Bakının Yasamal rayonunun İcra Hakimiyyətinin başçısı postuna bugünlərdə təyinat gözlənilir. “AzPolitika”ya hökumətə yaxın mənbələrdən daxil olan məlumata görə, Yasamala kimin rəhbərlik edəcəyi məsələsi artıq dəqiqləşib – bu günlərdə Prezidentin müvafiq sərəncamı olmalıdır. Mənbə yeni başçının kimliyini açıqlamasa da, onun hazırda bank sektorunda çalışdığını bildirib.

Bu ipucundan hakimiyyətdaxili klanların Yasamal uğrunda aylardır davam edən mübarizəsindən hansı klanın qalib çıxdığını təxmin etmək çətin deyil. Qələbə, əvvəlcədən də gözlənildiyi kimi, ən şanslı klanın tərəfindədir.

Xatırladaq ki, Prezident İlham Əliyev keçmiş başçı İbrahim Mehdiyevi iyulun 1-də, rəsmi versiyaya görə, Hacı Cavad məscidinin sökülməsini “özbaşına həyata keçirdiyi üçün”vəzifəsindən azad etmişdi. Bu gözlənilməz sərəncamdan dərhal sonra hakimiyyətdaxili qruplaşmalar böyük söküntü-tikinti işlərinin aparıldığı “yağlı tikə” olan Yasamal uğrunda mübarizəyə başladılar. Mübarizənin kəskinliyi və namizədlərin çoxluğu nəticəsində 4 aydan artıqdır ki, Yasamal başsız qalıb. Lakin belə görünür ki, artıq qəti qərara gəlmək mümkün olub.
Tarix: 11-11-2017, 22:41
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman