Ermənistanın son təxribatları Moldovanın “Politik” və “Tribuna” xəbər portallarında

Moldova mətbuatında Ermənistanın son təxribatları nəticəsində Bakının regiondakı 
nüfuzunun ikiqat artması ilə bağlı rumın və rus dillərində analitik məqalə dərc edilib. 
Moldovanın “Politik” və “Tribuna” xəbər portallarında yayımlanmış məqalədə 
Azərbaycanın Şanxay Əməkdaşlıq Təşkilatı (ŞƏT) kimi mötəbər təşkilatın Sammitinə 
dəvət olunması ölkəmizin dünya miqyasında nüfuzunun göstəricisi olduğu qeyd edilib.  
Eyni zamanda, məqalədə Ermənistanın dialoq tərəfdaşı qismində ŞƏT-ə önəm 
vermədiyi, Ermənistanın ölkəmizə qarşı sərhəddə son təxribatından dərhal sonra ABŞ 
Konqresinin Nümayəndələr Palatasının sədrinin məhz Sammit ərəfəsində Ermənistana 
gəlişinin təşkilata üzv ölkələri tərəfindən birmənalı qarşılanmayacağı vurğulanıb.
Bundan əlavə, Moldovanın “Noi” xəbər portalında 19 sentyabr tarixində BMT Baş 
Assambleyasının 77-ci sessiyasının yüksək səviyyəli həftəsi çərçivəsində, ABŞ dövlət 
katibi Entoni Blinkenin təşəbbüsü və iştirakı ilə Azərbaycan Respublikası xarici İşlər 
naziri Ceyhun Bayramovla Ermənistan Respublikası xarici işlər naziri Ararat Mirzoyan 
arasında keçirilmiş görüşə dair məlumat yer alıb.

Azərbaycan Respublikasının Moldova Respublikasındakı Səfirliyinin 
Mətbuat Xidməti

---

---