Rayon rəhbəri Vətən Müharibəsi qazisi Nahid Qasımovun ailəsi ilə görüşüb
Tərtər Rayon İcra Hakimiyyətinin başçısı Müstəqim Məmmədov Əskipara
kəndində 3-cü dərəcəli Vətən müharibəsi əlili Qasımov Nahid Namiq oğlunun
ailəsi ilə görüşüb, onların qayğıları ilə maraqlanıb.Görüşdə rayon rəhbəri Azərbaycan Ordusunun Müzəffər Ali Baş Komandan
cənab İlham Əliyevin rəhbərliyi altında 44 günlük Vətən müharibəsində Nahid
kimi igid oğulların sayəsində qələbə çaldığını bildirib. N saylı əlahiddə
kəşfiyyat taborunun müddətdən artıq hərbi xidmət keçən hərbi qulluqçusu
olmuş Nahidin Talış və Suqovuşan kəndləri istiqamətində keçdiyi döyüş
yolundan danışıb. Onun Vətən, ərazi bütövlüyümüzün bərpası yolunda
yaralanaraq öz sağlamlığını itirdiyini deyib.
Qeyd olunub ki, Nahid Qasımov Azərbaycan Respublikası Prezidenti cənab
İlham Əliyevin müvafiq Sərəncamı ilə “Suqovuşanın azad olunmasına görə”,
Azərbaycan Respublikasının Baş naziri Əli Əsədovun Sərəncamı ilə “Vətən
müharibəsi iştirakçısı” medalları ilə təltif olunub.
Onun xoşbəxt ailəsi, 3 qız övladı var.
Nahid Qasımov şəhid ailələrinə və qazilərə göstərilən diqqət və qayğıya görə
Azərbaycan Respublikası Prezidenti cənab İlham Əliyevə və Birinci vitse-
prezident Mehriban xanım Əliyevaya öz minnətdarlığını bildirib.
Tarix: 6-07-2023, 18:14