Tərtərin icra başçısı Şəhid ailəsində olub

Tərtərin icra başçısı Şəhid qapısında
Tərtər Rayon İcra Hakimiyyəti başçısı Müstəqim Məmmədov Səfərbərlik və Hərbi
Xidmətə Çağırış üzrə Dövlət Xidmətinin Tərtər rayon şöbəsinin rəisi Elşən Abdullayev,
Ağsaqqallar Şurasının sədri Faiq Məmmədov və Tərtər Cümə Məscidinin axundu Sadiq
Cəfərovla birlikdə Şanlı Zəfər Günü ilə əlaqədar rayonun Çardaxlı kəndindən olan, ailəsi
Bərdə şəhərində yaşayan şəhid Cəfərov Təbriz İlqar oğlunun ailəsində olub, onların
qayğıları ilə maraqlanıb, Azərbaycan Ordusunun Təbriz kimi şəhid oğullarımızın qisasını
aldığını bildirib.
Rayon rəhbəri qeyd edib ki, şəhidlərimiz bizim qürur yerimiz, and yerimizdir.
Azərbaycan Respublikasının Prezidenti cənab İlham Əliyev, Birinci vitse-prezident
Mehriban xanım Əliyeva, “Yaşat” fondu onların problemlərinə daim diqqət və qayğı ilə
yanaşır, köməklik göstərirlər. Dövlət rəhbəri hər kəsdən şəhid və qazi ailələrinə yüksək
səviyyədə diqqət və qayğı göstərməyi tələb edir.
Siam.az bildirir ki, sonra icra başçısı şəhidin ailə üzvləri ilə birgə onun döyüş yoluna nəzər salıb.
Təbriz Cəfərov  1995-ci ilin iyul ayının 14-də Bərdə rayonunda dünyaya göz açıb.
Azərbaycan Ordusunun əsgəri olan Təbriz Cəfərov 2020-ci il sentyabrın 27-də
Azərbaycan Silahlı Qüvvələri tərəfindən Ermənistan işğalı altında olan ərazilərin azad
edilməsi və Azərbaycanın ərazi bütövlüyünün bərpa olunması üçün başlanan Vətən
müharibəsində iştirak edib. Suqovuşanın azad edilməsi uğrunda gedən döyüşlərdə
vuruşub və Suqovuşan istiqamətində gedən döyüşlərdə itkin düşüb. Uzun müddət nəşi
tapıla bilməyib. Müdafiə Nazirliyi tərəfindən rəsmi olaraq itkin düşən hərbi qulluqçu
hesab olunub. Şəhidin nəşi 2021-ci ilin aprel ayının 6-da tapılaraq Bərdə şəhərində
Şəhidlər Xiyabanında torpağa tapşırılıb.
Azərbaycanın ərazi bütövlüyünün təmin edilməsi uğrunda döyüş əməliyyatlarına
qatılan və hərbi hissə qarşısında qoyulmuş tapşırıqların icrası zamanı vəzifə borcunu
şərəflə yerinə yetirdiyi üçün Azərbaycan Respublikasının Prezidenti cənab İlham
Əliyevin müvafiq sərəncamlarına əsasən Təbriz Cəfərov ölümündən sonra "Vətən
uğrunda" və “Suqovuşanın azad olunmasına görə” medallarıı ilə təltif edilib.
Şəhid Cəfərov Təbriz İlqar oğlunun ailə üzvləri onlara göstərilən diqqət və qayğıya
görə Azərbaycan Respublikası Prezidenti cənab İlham Əliyevə və Birinci vitse-prezident
Mehriban xanım Əliyevaya öz minnnətdarlıqlarını bildiriblər.
Allah bütün şəhidlərmizə rəhmət, qazilərimizə, veteranlarımıza isə can sağlığı versin!

Tərtərin icra başçısı Şəhid qapısında
Tərtərin icra başçısı Şəhid qapısında
Tərtərin icra başçısı Şəhid qapısında
Tərtərin icra başçısı Şəhid qapısında
Tarix: 5-11-2022, 15:42
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman