Cəlilabadda sakinlərin həyatı TƏHLÜKƏDƏ - ŞİKAYƏT

Cəlilabadda sakinlərin həyatı TƏHLÜKƏDƏ
Cəlilabad rayonunun Moranlı kəndinin elektrik təsərrüfatı bərbad vəziyyətə düşüb.

Siam.az bildirir ki, bu barədə "Report"a yaşayış məntəqəsinin sakinləri məlumat verib.

Onların sözlərinə görə, artıq bir neçə ildir kəndin elektrik xətləri istismara yararsız vəziyyətdədir və dirəklər hər an aşa bilər.

Sakinlər deyirlər ki, uzun illər əvvəl taxta-şalban materiallarından hazırlanan işıq dirəkləri çürüdüyündən təhlükəyə çevrilib. Məlumata görə, bundan əlavə naqillərin qırıq-qırıq olması tez-tez təhlükəli vəziyyət yaradır.

Məsələ ilə bağlı Cəlilabad Rayon İcra Hakimiyyətindən "Report"un yerli bürosuna bildirilib ki, hazırda rayonun bir çox kəndinin ərazisində elektrik təsərrüfatının yenilənməsi işləri gedir: "İnvestisiya proqramı çərçivəsində Moranlı kəndinin də elektrik təsərrüfatı yenidən qurulacaqdır".

Amma bu işlərə nə zamandan başlanacağı ilə bağlı məlumat verilməyib.

Qeyd edək ki, Moranlı kəndi rayon mərkəzindən təxminən 30 kilometr uzaqda yerləşir.

Cəlilabadda sakinlərin həyatı TƏHLÜKƏDƏ
Cəlilabadda sakinlərin həyatı TƏHLÜKƏDƏ
Cəlilabadda sakinlərin həyatı TƏHLÜKƏDƏ
Cəlilabadda sakinlərin həyatı TƏHLÜKƏDƏ
Tarix: 28-11-2022, 14:21
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman