Oxu24.com xəbər verir ki, bununla bağlı jurnalist Miri Məcidli öz facebook səhifəsində paylaşım edib.
""AL Market" vətəndaşları kütləvi şəkildə qiymətdə aldadır. Məhsulun üzərində bir qiymətdir, kassada başqa qiymət. İrad bildirəndə də deyirlər ki, bizdə qayda belədir. Bu gün Yasamal rayonu,Mətbuat Prospektində yerləşən "Al Market"də belə halla rastlaşdım...Qanuna görə müştəri məhsulun üzərində gördüyü qiyməti ödəməlidir",- deyə jurnalist bildirib.
Oxu24.com məsələ ilə bağlı kiçik araşdırma aparıb. Əməkdaşımız sözügedən mağazadan şirkətlərdən birinə məxsus kolbasa alıb. Məhsulun üzərində kolbasanın müvafiq qramının qiymətinin 2 manat 60 qəpik olması qeyd edilsə də,əməkdaşımızdan kassada 4 manat 55 qəpik pul tələb olunub. Qiymətin niyə belə fərqli olması isə açıqlanmayıb.
Məsələ ilə bağlı marketlər şəbəkəsinə məxsus nömrələrlə əlaqə saxlasaq da,münasibət öyrənə bilmədik.
Nigar
