Bayıl yamacında sürüşmə aktivləşdi: evlərə ziyan dəydi - YENİLƏNİB

“Bayıl yamacında sürüşmə prosesində aktivlik müşahidə edilir”.



Bunu APA-ya Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin geoloji planlama ekspedisiyasının dəstə rəisi Rafiq Həsənov deyib.



R.Həsənov bildirib ki, hazırda aidiyyatı qurumların, o cümlədən Fövqəladə Hallar Nazirliyinin, Səbail Rayon İcra Hakimiyyətinin nümayəndələri ərazidədir: “Ciddi problem olduğunu deyə bilərik. Əraziyə baxış keçirildiksən sonra hadisənin detalları ilə bağlı əlavə məlumat veriləcək”.

**

14:16

Bu gün saat 14 radələrində Bayıl yamacında sürüşmə aktivləşib. Sakinlərin Lent.az-a verdiyi məlumata görə, yamacın təhlükəli ərazi elan edilmiş hissəsində - yuxarı tərəfdə torpaq sürüşməsinin aktivləşməsi müşahidə edilib. Nəticədə bir neçə evdə ziyan dəyib, işıq dirəkləri aşıb. Aidiyyatı qurumların nümayəndələri əraziyə gəlib.



Qeyd edək ki, dünən axşamdan etibarən yağan yağış sürüşmə riskini daha da artırıb.



Əlavə məlumat veriləcək.

---

---