Rusiyanın Ukraynada hərbi əməliyyatlar başlatmasının ardından bır sıra ölkələr ona qarşı müxtəlif sanksiyalar tətbiq etməyə başladı.
Yeniavaz.com “BBC”yə istinadən Ukraynada müharibə başladıqdan sonra Rusiyaya tətbiq edilən sanksiyaların siyahısını təqdim edir:- Böyük Britaniya, Aİ və ABŞ tərəfindən ikili təyinatlı malların - avtomobil hissələri kimi həm mülki, həm də hərbi təyinatlı malların ixracına qadağa qoyulub.- ABŞ, Böyük Britaniya, Aİ və Kanada hava məkanında bütün Rusiya uçuşlarına qadağa qoyulub. Böyük Britaniya da ruslar tərəfindən icarəyə götürülmüş şəxsi təyyarələrə də həbs qoyub.- Böyük Britaniya Rusiyaya dəbdəbəli malların, o cümlədən nəqliyyat vasitələrinin, yüksək səviyyəli moda və incəsənət məhsullarının ixracını qadağan edəcək. Aİ artıq qadağa qoyub. Böyük Britaniya həmçinin Rusiyadan idxal edilən bəzi məhsullara, o cümlədən arağa 35% vergi tətbiq edəcək.- ABŞ, Aİ və Böyük Britaniya birlikdə Kremlə yaxın sayılan oliqarxlar kimi tanınan varlı biznes liderləri də daxil olmaqla, 1000-dən çox rusiyalı fiziki şəxsə və biznesə sanksiya tətbiq edib. Rusiya prezidenti Vladimir Putin və xarici işlər naziri Sergey Lavrova məxsus aktivlər də ABŞ, Aİ, Böyük Britaniya və Kanadada dondurulur.- ABŞ Rusiyadan bütün neft və qaz idxalını qadağan edib və Böyük Britaniya 2022-ci ilin sonuna qədər Rusiya neftinin idxalını dayandıracağını açıqlayıb. Neftin dörddə birini və qazın 40%-ni Rusiyadan alan Aİ alternativ tədarüklərə keçəcəyini və Avropanı 2030-cu ilə qədər Rusiya enerjisindən “müstəqil” edəcəyini deyir. Almaniya Rusiyadan “Şimal axını 2” qaz kəmərinin açılmasına icazəni dayandırıb.- Qərb ölkələri Rusiya Mərkəzi Bankının 630 milyard dollar valyuta ehtiyatından istifadəsini dayandırmaq üçün onun aktivlərini dondurub.- “McDonald's”, “Coca-Cola” və “Starbucks” da daxil olmaqla getdikcə daha çox beynəlxalq şirkətlər Rusiyada ticarəti dayandırıblar.- Buçada kütləvi qətllərin görüntülərinin yayılmasından sonra Almaniya 40, Fransa 35 rus diplomatını ölkədən çıxaracağını açıqlayıb. Litva Rusiya səfirini ölkədən çıxarıb. İndiyədək doqquz Aİ ölkəsi və ABŞ birlikdə 250-dən çox rusiyalı diplomat və səfirlik işçisini ölkədən çıxarıb.
