Zakir Fərəcov işdən azad edilir: Sumqayıt şəhər stadionunun açılışını yeni başçısı edəcək


Bir neçə gün öncə Sumqayıt şəhər stadionu ilə bağlı yazı təqdim etmişdik. Arenada yenidənqurma işləri ötən ilin dekabrında başa çatsa da, hələ də istifadəyə verilmir. 

Buna səbəb isə yoxlamalar zamanı stadionda kifayət qədər ciddi problemlərin aşkarlanmasıdır. Layihədə nəzərdə tutulan bir çox detallar icra edilməyib ki, bu da maxinasiyaların olması anlamına gəlir. Bu səbəbdən Sumqayıt kimi şəhərin stadionu azarkeşlərin və eyniadlı klubun istifadəsinə verilmir.

"Azərbaycan Reallığı" bu barədə yeni məlumat əldə edib. Bildirilir ki, yaxın vaxtlarda Sumqayıt şəhər İcra Hakimiyyətinin başçısı Zakir Fərəcov işdən azad ediləcək. Stadionun açılışı da yeni başçının təyinatından sonra reallaşacaq.

Qeyd edək ki, Sumqayıt şəhər stadionu Prezident İlham Əliyevin 21 noyabr 2019-cu il tarixli sərəncamı ilə yenidən qurulub. Arenanın tikintisinə ilkin olaraq 5 milyon manat vəsait ayrılıb.
Tarix: 7-04-2023, 15:50
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman