AŞ Nazirlər Komitəsi Azərbaycanın məsələsini müzakirəyə çıxarır

Avropa Şurası Nazirlər Komitəsi iyunun 11-dən 13-dək Strasburqda Avropa İnsan Hüquqları Məhkəməsinin qərar və qərarlarının icrasına nəzarət etmək üçün rüblük iclasını keçirir.
 
Bu barədə Gununsesi.info-nun verdiyi xəbərə görə, iclasda Azərbaycanın Avropa İnsan Haqları Məhkəməsinin qərarlarını necə icra etməsinə dair məsələ də gündəliyə daxil edilib.
 
Ətraflı araşdırma üçün təklif olunan hallar Albaniya, Ermənistan, Azərbaycan, Belçika, Bosniya və Herseqovina, Bolqarıstan, Fransa, Gürcüstan, Yunanıstan, Macarıstan, İtaliya, Malta, Moldova Respublikası, Şimali Makedoniya, Polşa, Rumıniya, Rusiya Federasiyası, Serbiya, Türkiyə, Ukrayna və Böyük Britaniya. Nazirlər Komitəsinin bu həftə keçirilən iclasında qəbul edilmiş qərarlar iyunun 14-də Avropa Şurasının internet saytında dərc olunacaq. Avropa İnsan Hüquqları Konvensiyasının 46-cı maddəsinə əsasən, Avropa İnsan Hüquqları Məhkəməsinin qərarları müvafiq dövlətlər üçün məcburidir.
 
Qeyd edək ki, Nazirlər Komitəsi milli hakimiyyət orqanları, ərizəçilər, vətəndaş cəmiyyəti təşkilatları, Milli İnsan Hüquqları İnstitutları (NHRI) və digər maraqlı tərəflər tərəfindən təqdim edilən məlumatlar əsasında qərarların icrasına nəzarət edir.
 
Günay Mahriqızı
Tarix: 11-06-2024, 22:32
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

{sape_links}{sape_article}