Qalmaqallı uşaq evinə yeni direktor təyin edildi

Xətai rayonu 3 nömrəli uşaq evinin direktoru dəyişilib.
AzVision.az xəbər verir ki, Bakı Şəhər İcra Hakimiyyətind başçısı Aparatının rəhbərinin və məsul əməkdaşlarının uşaq evinin kollektivi ilə görüşü keçirilib. Görüşdə müəssisənin yeni rəhbəri Gülnarə Şəmiyeva təqdim edilib.
Həmçinin son vaxtlarda uşaq evində baş verən hadisələrlə əlaqədar yaradılan komissiya tərəfindən göstərilən iradların qısa müddətdə aradan qaldırılması ilə bağlı müəssisə rəhbərliyinə müvafiq tapşırıqlar verilib.
Qeyd edək ki, həmin uşaq evində qalan və müəssisə ilə bağlı şikayətini bildirən yeniyetmə M.Hacıyev bir müddət əvvəl 1 saylı psixiatriya xəstəxanasına yerləşdirilmişdi. Bu, isə ictimaiyyətin kəskin etirazına səbəb olmuşdu. Yeniyetmənin əqli durumunun normal olduğunu söyləyən 1 saylı Respublika Psixiatriya Xəstəxanasının baş həkimi Ağahəsən Rəsulov daha sonra yaşa görə işdən çıxarılmışdı.
Xatırladaq ki, həmin uşaq evinin rəhbəri Məhbubə Hüseynova olub.