“Facebook” insanları dinləyir?
İstifadəçilər kütləvi şəkildə "Facebook”u telefon danışıqlarını dinləməkdə ittiham ediblər.İKT.lent.az-ın "The Sherbrooke Times”a istinadən verdiyi xəbərə görə, istifadəçilər bildirirlər ki, sosial şəbəkə əldə etdiyi məlumatlardan öz reklam siyasətində yararlanır.
"Facebook”un vitse-prezidenti Rob Qoldman ittihamlara cavab verib. "Mən "Facebook”da reklama baxıram. Biz sizin mikrofonlarınızdan reklam üçün istifadə etmirik və heç vaxt istifadə etməmişik”, – deyə o, bildirib.
Bəzi istifadəçilər isə qəribə təsadüflərlə qarşılaşdıqlarını deyirlər. "Biz otaq yoldaşlarımızla klinik sınaqlarda iştirak etmək barədə müzakirə aparırdıq. Bir qədər sonra biz "Facebook”da klinik sınaqlar barədə reklam gördük”, – deyə bir nəfər yazıb. Digəri isə qeyd edib ki, evində pişik saxlamaq istəyib: "Mən bu haqda heç nə yazmamışdım. Lakin pişik yeməyi barədə bildirişlər almağa başladım”
Qaynarinfo.Az
Tarix: 30-10-2017, 23:23