Ruslar qüvvələrini üç istiqamətdə cəmləşdirir - Baş Qərargah

"Rus işğalçıları Limanski, Baxmutski və Avdeyevski istiqamətlərində hücum əməliyyatları keçirmək üçün qüvvələrini cəmləşdirir, həmçinin Kupyanski istiqamətində taktiki mövqelərini yaxşılaşdırmağa çalışırlar. Bununla belə, onlar layiqli cavab alırlar".

Bizimyol.info xəbər verir ki, Ukrayna Silahlı Qüvvələrinin Baş Qərargahının “Facebook” səhifəsində saat 18:00-a olan operativ məlumatda qeyd olunur ki, gün ərzində düşmən Zaporojye vilayətində mülki hədəflərə üç raket zərbəsi endirib. Onlar eyni zamanda, çoxsaylı buraxılış raket sistemlərindən 10-dan çox hücum edib.
"Düşmən qüvvələrini Limanski, Baxmutski və Avdeyevski istiqamətlərində hücum əməliyyatları keçirməyə cəmləşdirir və Kupyanski istiqamətində taktiki vəziyyəti yaxşılaşdırmağa çalışır", - mesajda deyilir.
Volın, Polesski və Seversk istiqamətlərində vəziyyətdə ciddi dəyişiklik nəzərə çarpmayıb. Baş Qərargah qeyd edib ki, düşmən hərbi mövcudluğunu saxlayır, lakin hücum qruplarının formalaşması əlamətləri aşkar edilməyib.
Slobojanski istiqamətində Xarkov vilayətinin 11 yaşayış məntəqəsinin rayonları minaatan və artilleriya atəşinə məruz qalıb. Kupyansk istiqamətində düşmən Xarkov vilayətində beş, Luqanskda isə iki yaşayış məntəqəsinin ərazilərini atəşə tutub.
"Limanski istiqamətində işğalçılar Luqansk vilayətinin Makiivka, Çervonopopovka və Dubrava, eləcə də Donetsk vilayətinin ərazilərini atəşə tutublar", - mesajda qeyd edilir.
Baxmut istiqamətində işğalçılar Donetsk vilayətinin 17 yaşayış məntəqəsinin ərazilərini tanklardan, minaatanlardan, top və raket artilleriyasından atəşə tutublar. Avdiivka istiqamətində Donetsk vilayətində 6 yaşayış məntəqəsi atəşə tutulub.
"Novopavlovsk istiqamətində Donetsk vilayətinin Uqledar, Novoukrainka, Velyka Novoselka və Vremevka şəhərləri işğalçılar tərəfindən atəşə tutulub", - deyə Baş Qərargahda qeyd edib və əlavə edib ki, Zaporojye istiqamətində düşmən Zaporojye vilayətinin yeddi, Dnepropetrovsk vilayətinin isə iki yaşayış məntəqəsi atəşə tutub.
Bununla belə, Ukraynamızın müdafiəçiləri rusların “burnuna vuraraq” geri oturdublar. Belə ki, Ukrayna Müdafiə Qüvvələrinin aviasiyası gün ərzində düşmənin şəxsi heyəti, silah və hərbi texnikasının cəmləşdiyi ərazilərə 3 zərbə endirib. Bundan əlavə, raket və artilleriyaçılarımız canlı qüvvənin cəmləşdiyi iki ərazini və işğalçıların "S-300" zenit-raket kompleksini vurublar.

---

---