Yanvarın 7-də edam edilən 22 yaşlı Muhammədin hekayəsi və məhkəmə prosesi İranda məhkəmə hökmlərinin və edam cəzalarının etiraz aksiyalarına qarşı necə istifadə edildiyini də bariz şəkildə göstərir.
İranda Məhsa Amininin əxlaq polisi tərəfindən saxlanıldığı zaman təcridxanada ölməsindən sonra başlayan etirazlara qatılanlar edam cəzası ilə üz-üzədir.
İran İnsan Haqları Xəbər Agentliyinin (HRANA) yaydığı məlumata görə, indiyədək 22 nəfər nümayişlərlə əlaqəli olduğu üçün edam cəzasına layiq görülüb, 4 nəfərin cəzası isə ləğv olunub.
Etirazçılar arasında sonuncu dəfə yanvarın 7-də 22 yaşlı Muhamməd Mehdi Karami edam edilib.
BBC Farsca xidmətinin əldə etdiyi məlumata əsasən, Muhammədə özünü müdafiə etməsi üçün 15 dəqiqədən də az vaxt verilib.
Saxlanıldıqdan 65 gün sonra edam edilən Muhamməd barəsində bu hökmün verilməsi etirazların qarşısını almaq məqsədi ilə İran hakimiyyətinin məhkəmələrdən necə sui-istifadə etdiyini ortaya qoyur.
Etirazlarla əlaqəsi olmayan sonuncu edam cəzasına isə İngiltərə üçün casusluq etməkdə günahlandırılan müdafiə nazirinin keçmiş köməkçisi Ali Rıza Akbari məhkum edilib. Onun edam olunması beynəlxalq ictimaiyyətin ciddi reaksiyası ilə üzləşdi və bir çox ölkə bunu qınadı.
“Casusluq” ittihamı və etiraz aksiyaları arasında bir əlaqə olmasa da, Akbari barəsində təcridxanada saxlanma hökmünün verilməsi və işgəncə verilərək “günahını etiraf etməsi” digər etirazçıların təcridxanada yaşadıqlarına bənzəyir.

Bbc

---

---