Müşfiq Rəhimovun Lənkəranda milyonluq hotel-restoranı - FOTOLAR

Dövlət Yol Polisinin İmtahan-qeydiyyat şöbəsinin rəisi nəhəng istirahət mərkəzi tikdirib. Belə ki, “Xəzər Palace”i satdığı dövlət nömrə nişanlarının hesabına inşa etdirməklə biznes imperiyasını genişləndirib.

Məlumata görə, söhbət Baş Dövlət Yol Polisi İdarəsinin İmtahan-Qeydiyyat Şöbəsinin rəisi Müşviq Rəhimovdan gedir. O, Lənkəranda dəyəri bir milyon dollara yaxın olan böyük hotel-restoran kompleksi tikdirir. Həmin məlumatda deyilir ki, Aşağı Nüvədi qəsəbəsinin Xəzər dənizinə birləşən hissəsində inşa edilən obyektin adı «Xəzər Palase»dir. Həmin otel-restoranın digərlərindən fərqli olmasının səbəbi isə tikilinin dənizin içində inşa edilməsidir. Və bu Lənkəran ərazisində ilk hotel-restoran sayılacaq.

BDYPİ-nin şöbə rəisinin bu qədər imkana sahib olması isə gizli məsələ deyil. Çünki ölkə üzrə bütün dövlət nömrə nişanlarının satışı məhz Rəhimovun əlindədir. Qeyd edək ki, Müşfiq Rəhimov rəhbərlik etdiyi şöbədə əsasən dövlət nömrə nişanlarının satışı ilə məşğul olur. Dövlət rüsumu 18 manat olan bəzi nömrələr var ki, onların qiyməti şöbə rəisinin yanında 18-20 min manat dəyərindədir. Məsələ ilə bağlı ayrıca bir araşdırmamız olacaq. Lakin həmin araşdırmaya qədər bəzi qısa izahatlar verərək, ümumi təsəvvür yaratmağa çalışırıq. Nömrə satışlarını Müşfiq Rəhimov birbaşa həyata keçirmir. Onun köməkçisi olan Aydın adlı şəxs bütün işləri reallaşdırır, müştəri tapır, nömrə satır və sairə. Yəni, vətəndaş avtomobilinə dövlət nömrə nişanı almaq istəyirsə, bunun üçün birbaşa Rəhimovun qəbuluna girməyə gərək yoxdur.

Elə qapıdaca Aydın adlı köməkçiyə yaxınlaşıb, onunla məsələni həll etmək mümkündür. Xatırladaq ki, hal hazırda Rəhimovun siyahısında ən bahalı nömrələr TT və EE seriyaları ilə başlayanlardır. 18-20 manat olan həmin nömrələrin start qiymətləri isə 1500-2000 manatdan başlayır. Digər seriyalı nömrələr isə müxtəlif qiymətlərə satılır. Cüt seriyalı və cüt rəqəmli nömrələrin qiymətlərinə isə yaxın düşüləsi deyil. Məsələn, 99-999 dövlət nömrə nişanı fərqli seriyalarla istənilərsə qiymət 15 min manatdan başlayır. Əgər seriyanın cüt olmasını istəyirlərsə, o zaman qiymət 230 min manata qədər yüksələ bilər

P.S. Növbəti sayımızda Müşviq Rəhimovun nömrə biznesi ilə və bəzi köhnə "MTN"-çi sayt və qəzetləri maliyyələşdirməsi ilə bağlı söhbət açacağıq.

Araşdırmalarımız davam edir.

Ardı var...

---

---