Son günlər şəhər və rayonlarda intihar hadisələrinin baş verdiyi xəbərləri tez-tez sosial mediada eşidirik. Görəsən bu cür halların yaranmasına səbəb olan durum nədir ?

Bir neçə gün öncə DogruXeber.az-in redaksiyasına İmişli rayon sakini 1-ci qrup əlil Qasımov Alim Bilal oğlu telefon ilə zəng vurub sosial durumunun acınacaqlı olduğunu və rayon icra hakimiyyətinin başçısı Vilyam Fəhralı oğlu Hacıyevin onu intihar etmə həddinə çatdırdığını bildirib. Rayon sakini 1-ci qrup əlil Qasımov Alim Bilal oğlu bildirir ki, hazırda yaşadığım binanın neft şirkətinin binası olmağına baxmayaraq,həmin bina rayon icra hakimiyyətinin başçısi V.Hacıyevin səlahiyyətində olduğu üçün məni, azyaşlı 2 uşaq və ankaloji xəstə olan hamilə həyat yoldaşımı mənzildən çıxartdırıb bayıra atdırır. Şikayətçi qeyd edir ki,”mənə olunan haqsızlığa görə bütün dövlət orqanlarına müraciət etsəm də heç bir dövlət qurumu mənim acınacaqlı durumum ilə maraqlanmır.” Şikayətçi 1-ci qrup əlil A.Qasımov deyir ki, “mən bir neçə dəfə özümü intihar etməyə cəht etmişəm ,amma hər dəfə qarşısını alıb mənə boş-boş vədlər verən dövlət orqan əməkdaşları təəssüf olsun ki, mənim acınacaqlı durumuma heç bir köməklik göstərməyiblər”. İmişli rayon sakini 1-ci qrup əlil A.Qasımov 07.04.2018-ci il ,səhər saatlarında redaksiyamıza gəlib müsahibə verdi. Müsahibə zamanı diqqətimizi cəlb edən nüans o idi ki,şikayətçi özünü intihar edəcəyini təkidlə qeyd edərək çantasında olan ipi bizə göstərdi. Nə üçün intihar etməsini soruşduqda əməkdaşlarımıza bildirdi ki,İmişli rayon icra hakimiyyətinin başçısı Vilyam Hacıyevin mənim ailəmə etdiyi haqsızlığa görə bunu edəcəm. Əməkdaşlarımız sikayətçini bu fikrindən əl çəkməyini məsləhət görüb ona bu barədə rayon icra orqanı ilə əlaqə saxlayıb köməklik etməyi vəd ediblər. Şikayətçi A.Qasımov həmin gün axşam təxminən 20:45 radələrində redaksiyamızın əlaqə nömrəsinə zəng vurub bildirib ki, “ sizin redaksiyanızdan çıxdıqdan bir saat sonra rayondan mənə zəng gəldi ki, evimizin qarşısına polis əməkdaşları gəlib ki,ailəmi mənzildən çıxartsınlar və mən bu xəbəri eşitdikdə çox əsəbləşdim və Baki bulvarına getdim.” Şikayətçi bildirdi ki, “məm bulvarda dənizin içərisinə gedən körpünun kənarındakı dəmir durbaya ipin bir ucunu bağlayıb o biri ucunu isə boğazıma bağladım ki, intihar edəm, amma intiharıma mane olan Səbail rayon polis və prokrorluğun əməkdaşları məni xilas edib bölməyə gətirdilər. Bir neçə saat bölmədə saxladılar və yaxınlarıma xəbər verdilər ki, gəlib məni aparsınlar. İmişli rayon sakini 1-ci qrup əlil Qasımov Alim Bilal oğlu çarəsiz durumda qaldığını və nə etməli olduğunu bilmədiyi üçün bizim sayt vasitəsi ilə ölkə prezidenti cənab İlham Əliyevdən onun bu çarəsiz durumuna köməklik etməsini xahiş etdi. Görünür ki, İmişli rayon icra hakimiyyətinin başçısı Vilyam Hacıyev ölkə prezidenti cənab İlham Əliyevin dəfələrlə müşavirələrdə məmurlara hər zaman xalqa xidmət göstərmələrini və xalqın xidmətində durmalarını göstəriş versə də, təəssüflər olsun ki, bu gostərişlərə onlar məhəl qoymurlar.

Qarşı tərəfin mövqeyin dinləyib dərc etməyə hazırıq:

DogruXeber.az