Şirvan, Samur-Yalama, Şahdağ, Altıağac, Hirkan, Ağgöl, Göygöl Milli Parkları, Türyançay, Qızılağac, Qarayazı, Zaqatala, Bakı və Abşeron Yarımadasının Palçıq Vulkanları Qrupu Dövlət Təbii Qoruğları xüsusi geyim dəstlərinin satınalınmasına dair “Alyans Tekstil” MMC ilə tender müqaviləsi imzalayıblar. Bununla bağlı Anaxeber.info-nun əldə etdiyi məlumata görə bu satınalmaların müqabilində “Alyans Tekstil”ə 159 484 manat ödəniləcək.
Sözügedən müqavilədə Ağgöl Milli Parkının işçiləri üçün hazırlanacaq xüsusi geyimlərə görə  6 560 manat pul ayrılıb.  Bununla bağlı Anaxeber.info olaraq Milli parkın rəhbəri Loğman Mehdiyevdən açıqlama almaq istədik. Amma maraqlıdır ki, ümumiyyətlə bu tenderdən və ayrılan puldan özünü bixəbər kimi göstərən Mehdiyev hətta Milli Parkın işçilərinin sayını belə dövlət sirri kimi bizə bildirmədi. Milli Park direktoru bu kimi məsələlərlə Nazirliyin məlumatlı olduğunu deməklə nəyə işarə vurduğunu bilmirik, amma yerli mediada yayılan məlumatlar L.Mehdiyevin elə bu park ərazisindən gəlirləri haqda təəssürat yaradır.
Məlumat üçün bildirək ki, Ağcabədi və Beyləqan rayonlarının ərazisində yaradılan Ağ Göl Milli Parkında 500 mindən çox quş qışlayır.  Quşların 30 növünün adı “Azərbaycanın Qırmızı Kitabı”na salınıb. Bundan başqa, milli park ərazisində 20-dən çox balıq növünə - çəki, külmə, durna balığı, xəşəm, lil balığı, naxa, qambuziya və s. rast gəlinir. Lakin Ağ Göl Milli Parkında qanunsuz ov aparılır və bu səbəbdən də qoruq ərazisi istismara məruz qalır : “Ağgöl” Milli Parkı sözün əsl mənasında məmurların və onların övladlarının, qonaqlarının poliqonuna çevrilib. L.Mehdiyevlə “isti münasibətləri” ilan məmurlar qış aylarında şənbə-bazar günlərini bu dövlət qoruğunda vaxtlarını səmərəli keçirirlər. Qadağan olunmuş quşlar məmurlar tərəfindən vurulur”. İddialara görə, L.Mehdiyev “brokonyer”lərlə razılaşaraq göldə tor qurulmasına şərait yaradır. Tutulan balıqların 50 faizi direktora verilir.

Sayt yazıb ki, Ağgöl Milli Parkı oranın rəisi Loğman Mehdiyev və onun himayədarı, Ekologiya və Təbii Sərvətlər Nazirliyinin Aparat rəhbəri Rövşən Cəlilovun şəxsi mülkünə çevrilib.

Mediada yer alan digər bir məlumata görə, direktor Ağ Göl Milli Parkında yaşayan şahin quşlarını tutduraraq satır.  Deyilənə görə, şahin quşlarının alıcısı ərəb şeyxləridir. Mahir ovçu kimi yetişdirilən şahin quşları çox baha qiymətə ərəb şeyxlərinə satılır. Beləliklə, hər il payız, qış və yaz aylarında milli parkın ərazisində qanunsuz ov nəticəsində onlarla ceyranlar məhv edilir, quşlar qırılır, hədsiz sayda balıqlar «brokonyer»lərin gəlir mənbəyinə çevrilir.

Onu da bildirək ki, bu yaxınlara kimi Loğman Mehdiyevin vəzifəsində qalıb qalmaması mürəkkəb məsələ idi. Belə ki, “Ağ Göl” Milli parkında baş verən qanunsuzlulqar, özbaşınalıqlarla bağlı sabiq nazir Hüseynqulu Bağırova və digər aidiyyatı qurumlara müraciət olunmuşdu. Həmin müraciətlərdən sonra Loğman Mehdiyevin vəzifəsi ilə vidalaşcağı deyilirdi. O zaman Milli Park rəhbərini himayədarları xilas etdi. Belə ki, L.Mehdiyevin Ekologiya və Təbii Sərvətlər Nazirliyinin keçmiş aparat rəhbəri Rövşən Cəlilov və Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin keçmiş direktoru Vaqif Cavadova güvəndiyi sir deyildi. Ancaq Nazir postundakı dəyklikdən sonra bu şəxslər vəzifədən çıxarıldı. Mənbənin Anaxeber.infoya verdiyi məlumata görə kadr dəyişikliyindən sonra L.Mehdiyev yeni himayədar axtarışına çıxıb və əlində lazımi imkanlar olan director məqsədinə çatıb. L.Mehdiyevin yeni himayədarı və onun gizli əlaqələri haqda növbəti yazımızda.
Sabiq Aparat rəhbəri Rövşən Cəlilovla Loğman Mehdiyevin bu gün də davam edən biznes münasibətləri;

Ağ Göl Milli Parkında ov edən əcnəbilərlə siyasi müzakirələr;