Əhmədzadənin adamına qarşı ittihamlar... - İDDİA

Əhmədzadənin adamına qarşı ittihamlar...
Tərtərçay Hidroqovşağı İstismar İdarəsi 1974-cü ildə yaradılıb. Hidroqovşağın xidmət etdiyi rayonlara Tərtər, Bərdə, Yevlax, Goranboy, Ağdam və Ağcabədi daxildir. Hidroqovşağa daxildir: Sərsəng Su anbarı-həcmi:600 ml.m3 Madagiz Su anbarı-həcmi: 6 ml.m3 Sağ sahil M.K.-uzunluğu: 70,2 km Sol sahil M.K.-uzunluğu: 22,4 km. Hidrotexniki qurğuların sayı isə 433 ədəddir. Ştatda olan işçilərin sayı 344 nəfərdir ki, onlardan 180 nəfəri dondurulmuş əmək haqqı alır.

Azerinfo.az-a verilən məlumata görə bu idarənin rəisi Böyükkişi Cümşüdovun işdə yol verdiyi qanun pozuntuları yuxarıda adları çəkilən rayonlarda suvarma suyu ilə bağlı ciddi problemlərin əmələ gəlməsinə səbəb olub. Ağdam, Ağcabədi, Tərtər, Bərdə, Yevlax və Goranboy rayonlarının da əkin sahələrinin suvarılması ürəkaçan səviyyədə deyil. Çünki sözügedən idarənin rəhbərliyi və işçiləri sırf öz maraqları üçün işləyirlər. İdarənin balansındakı texnikaların əksəriyyəti fərdi təsərrüfat sahələrində işlədilir. Başqa sözlə desək, Böyükkişi müəllim həmin texnikaları iş adamlarına aylıq icarəyə verib. Dövlət tərəfindən Tərtərdə və hidroqovşağa tabe olan rayonlarda suvarma suyu probleminin həllini tapması üçün mühüm tədbirlər həyata keçirilir. Tərtər əhalisinin erməni düşmənlərinə layiqli cavab verdiyi, müharibə şəraiti olmasına rəğmən, cəbhəyə yaxın ərazilərdə əkin-biçinlə məşğul olduğunu deməyə gərək yoxdur. Rayonun qəhrəman əhalisi əkinçiliklə məşğul olur, heyvandırlığı inkişaf etdirir və sairə. Amma Tərtərin ən böyük problemi əkin sahələrini suvarmaq üçün zəruri olan sudur.

İddialardan biri belədir ki, B.Cümşüdov Əhmədzadəni razı salmaqla dövlətin büdcəsini sümürür. Əvəzində isə bölgədə əkin sahələri quruyur, su belə satışa çıxarılır. Böyükağa Cümşüdovun Tərtər camaatına suyu pulla satması onu karxana, ferma və bahalı maşın sahibi edib.

Onun fermerlərdən, kasıb kəndlilərdən suvarma üçün aldığı pullar sonradan karxana yaradılmasına sərf olunub. Hazırda onun Tərtər çay üzərində daş karxanasının olduğu bildirilir. Bundan başqa, Böyükağa Cümşüdov özünə heyvandarlıq kompleks idə yaradıb. İdarə müdirinin obyektlərinin, villalarının, evlərinin sayını isə bilən yoxdur.

Bu idarədə «ölü canlı»lardan tutmuş, kartıq müdirin cibində olan işçilərə qədər hər şey baş verir. Qarşı tərəfin mövqeyini dərc etməyə hazırıq.
Tarix: 14-09-2019, 10:42
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman