Əhmədzadənin Beyləqandakı adamı belə "yeyir"... - İTTİHAM

Əhmədzadənin Beyləqandakı adamı belə "yeyir"...
Ötən həftə dərc etdiyimiz “XIX əsrdə monqollar, bu gün Əhməd Əhmədzadə və işçisi tərəfindən təcavüz olunan “Xan Qızı” adlı məqaləmizdə Beyləqan şəhərində aparılan abadlıq-quruculuq işləri çərçivəsində Xan Qızı arxının da təmizlənməsi məqsədilə qurudulmasından yazmışdıq. Təəccüb ifadə etmişdik ki, təmizlənmə işlərini məhz rayon Suvarma Sistemləri İdarəsi aparmalı olduğu halda, bu işlərin görülməsi aidiyyəti olmayan başqa büdcə idarə, müəssisə və təşkilatlarının üzərinə qoyulub. Halbuki, SSİ-nə hər il bu və digər məqsədlərlə böyük kəmiyyətlərlə ölçülən maliyyə vəsaiti ayrılır və idarənin rəisi Azim Kərimovun sərəncamına verilir

Onu da qeyd etmişdik ki, sözügedən kanalın təmizlənməsi yeganə problem deyil, onun bərpası məsələsi də narahatlıq doğurur. Belə ki, kanalın yan beton divarları oyulub töküldüyündən, sızan su ətraf ərazinin şoranlaşmasına səbəb olur, eyni zamanda yaxınlıqda yerləşən evlərə və təsərrüfatlara ziyan vurur”.
Məqalə işıq üzü görəndən sonra dibindəki zibil təmizlənməmiş kanala dərhal su buraxılıb ki, ayıbı örtülsün. Çünki tənqidi yazımızı müşayiət edən videogörüntülər A.Kərimovu ifşa edir. Onun zibilinin üstü açıq qalınca, digər neqativ əməllərinin də izinə düşüləcəkdi. Məlum olacaqdı ki, SSİ-nin sərəncamında olan maşın-mexanizm təyinatı üzrə istifadə olunmur, ayrı-ayrı şəxslərə icarəyə işlədilir. Ayrılan pullar silinib mənimsənilir, yanacaq kağız üzərində sərf olunmuş kimi göstərilərək satılır və s.

Nəzərə alanda ki, artıq payızdır, qarşıda yağıntılı mövsüm gəlir, belə qənaətə gəlmək olur ki, daha arxın təmizlənməsi məqsədilə qurudulması yaxın vaxtda gözlənilmir. Bəlkə də qulaqlarına səs dəyib ki, yaşı 70-i ötmüş Əhmədzadənin də “işi aşdır”, ASC sədrinin vəzifədən kənarlaşdırılmasına “Xan Qızı”nın səbəb-katalizator olmasını istəmirlər.
realmedia.az
Tarix: 28-10-2019, 17:17
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman