Şirvanda İlqar Abbasovun yeni “metodu”: Rüşvət əvəzinə təmir-tikinti...


bitmap-img6




Prezident İlham Əliyevin sərəncamı ilə Surxanıdan çıxarılaraq Şirvan şəhər İcra Hakimiyyətinin başçısı təyin edilən İlqar Abbasovla bağlı AzFakt.com-a ilginc məlumat daxil olub.

Məlumtada bildirilir ki, Şirvana gəldiyi gündən özünü doğrultmağa çalışan İlqar Abbasov demək olar hər gün iclas keçirdir və şəhərin müxtəlif yerlərinə gedərək problemlərlə maraqlanır. Yeni başçı sələfi Mərdan Camalovdan fərqli olaraq Şirvanda yeniliklər etməklə yuxarıların etimadını doğrultmağa çalışır. İlqar Abbasovun gələcəkdə Prezident Adminstrasiyanın etimadını necə doğruldacağını zaman göstərəcək.

Amma yeni başçı Şirvana yeni korrupsiya metodu da gətirib. AzFakt.com-a Şirvandan daxil olan məlumata görə, icra başçısı İlqar Ababsov təmir-tikintiyə ehtiyacı olan şəhərin müxtəlif yerlərinin siyahısını hazırlayaraq, bu işi yerli məmurların boynuna qoymağa başlayıb. Yəni yeni başçı heç bir məmurdan rüşvət almır, əvəzində isə şəhərdə təmir-tikintiya ehtiyyacı olan əraziləri onlara həvalə edir.

İlqar Abbasov rüşvətin bu metoduna əl atmaqla “bir güllə ilə iki dovşan vurmaq niyyətindədir”. Çünki son bir ayda iki icra başçısı məhz məmurlardan aldıqları rüşvətə görə həbsə göndəriliblər. Buna görə də “ehtiyat igidin yaraşığıdır” el misalından yararlanan İlqar Abbasov öz işini etibarlı tutmaq qərarına gəlib.

Məlumatda qeyd edilir ki, İlqar Abbasov məmurlara təmir etdirdiyi ərazilər üçün şəhər İcra Hakimiyyətinin daxili hesabından külli mqidarda vəsait ayıraraq o pulu özünə götürəcək.
 
Məsələ ilə bağlı Şirvan icra hakimiyyətinin mövqeyini dərc etməyə hazırıq.


Tarix: 6-03-2020, 16:30
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman