Ucarda bu məktəbdə NƏ BAŞ VERİR? - Təhsil nazirliyi MARAQLANSA YAXŞI OLAR...


Ucar rayonu Qaradağlı kənd sakini Əzizov Nicat Fərhad oğlu tərəfindən ölkə rəhbərliyinə müraciət ünvanlanıb. Bir nüsxəsi də Siam.az -a daxil olan müraciətdə deyilir:

"8-ci sinif şagirdi olan qızım Zəhraya qarşı edilən özbaşınalığa görə intihara cəhd edib, hazırda onun həyat və sağlamlığı ciddi təhlükə altındadır.Buna isə Ucar rayon Qaradağlı kənd tam orta məktəbin direktoru Səkinə Səfərəliyeva şərait yaradıb göz yumur.
Belə ki, 2008-ci il tarixdə anadan olmuş qızım Əzizova Zəhra Ucar rayonu Qaradağlı kənd tam orta məktəbdə 8-ci sinifdə oxuyur.Dərslərini əla qiymətlə oxuduğu üçün qızım 5 ildir ki, sinifkomdur.



Buna isə qısqanclıqla yanaşan məktəbin kitabxanasının əməkdaşı Təhminə Daşdəmirova öz övladı Nəzrin Hasil qızı Daşdəmirlini öyrədərək mənim övladımı təhdid edirlər, ona qarşı zor işlədirlər. Nəzrin Daşdəmirli heç bir əsas və səbəb olmadan qızım Nəzrinlə hər gün dalaşır onu vurur, söyüb təhqqir edir, geyimini, sumkasını cırıb şagirdlər arasında alçaldır.
Nəzrin Daşdəmirli bütün bu zorakı tərbiyəsiz hərəkətləri anasına güvənərək edir.
Mən bu barədə məktəbin direktoru Səkinə Səfərəliyevaya və Təhsil Şöbəsinin müdiri Rauf Məmmədova şifahi məlumat verib araşdırıb tədbir görülməsini xahiş etmişəm.
Ancaq qızıma qarşı zor tətbiq edib onunla qərəzçilik aparan Nəzrin Daşdəmirli barədə heç bir tədbir görülməyib.Çünki yuxarıda qeyd etdiyim kimi Nəzrinin anası Təhminə Daşdəmirova həmin məktəbdə kitabxanaçı vəzifəsində işləyir direktorla yaxın münasibəti var.Bu səbəbdən onun tərbiyəsizlik edən qızı Nəzrin barədə heç bir tədbir görülmür.Həttda cəzasılıqdan dahada həvəslənən Nəzrin digər şagirdləri də öyrəib ələ alıb mənim qızım Zəhraya qarşı çıxarmışdır.
Qızım Zəhra edilən zorakılağa dözə bilməyərək intihar etməyə cəhd göstərmişdir.O öz qolunu kəsərək intihar etmək istəmişdir.Qızımın səhhəti pisdir hər an özünü öldürə bilər.Hazırda övladımın həyat və sağlamlığı ciddi təhlükə altındadır.
Buna görə qanunu tərdbirlər görülməli məktəbin direktoru ciddi cəzalanmalı qızım Zəhraya qarşı zorakılıq göstərən Nəzrin Hasil qızı Daşdəmirli həmin sinifdən başqa məktəbə və ya sinifə köçürülməlidir.Mən bu barədə şikayət ərizəsi ilə Mehriban xanım Əliyevaya, Təhsil Nazirinə və Ombudsmana müraciət etmişəm.
Mətbuat vasitəsi ilə də Mehriban xanım Əliyevadan, Təhsil Naziri Emin Əmrullayevdən və Ombudsman Səbinə xanım Əliyevadan xahiş edirəm komissiya yaradıb Ucar rayonu Qaradağlı kənd tam orta məktəbə göndərib qanunu və ciddi tədbirlər görülməsinə tapşırıq verəsiniz".

İddia olunanlarla bağlı  qarşı tərəfi də dinləməyə hazırıq...
Tarix: 28-01-2022, 09:23
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman