DSMF Lənkəranda üsyanı KÖRÜKLƏYİR... - NARAZILIQ!


DİA.AZ xəbər verir ki, Azerinfo.az-a daxil olan məlumata görə, Lənkəran rayonunda yaşayan aztəminatlı ailələr sosial yardımdan məhrum olublar.
Ünvanlı Dövlət Sosial Yardım haqqında Qanun ölkə prezidenti cənab İlham Əliyev tərəfindən imzalanmışdır. Aztəminatlı ailələriın sosial müdafiəsinin gücləndirilməsindən ötrü olan bu qanunda bildirilir ki, ünvanlılıq, ədalətlilik və bərabərlilik prinsipləri əsasında Azərbaycan Respublikasında yaşayan hər bir aztəminatlı ailəyə sosial yardım təyin olunmalıdır. Nəticə etibarı ilə bu qanun bütün aztəminatlı ailəyə şamil edilir. Amma hazırkı vəziyyətdə isə sosial yardım maddi durumu acınacaqlı olan imkansız ailələrə təyin olunmaq əvəzinə digər imkanlı şəxslərə satılır.
Əmək və Əhalinin Sosial Müdafiəsi Nazirliyi tərəfindən sosial yardımın verilməsində şəffaflığın təmin olunması üçün davamlı olaraq zəruri tədbirlər görülsə də, lakin bu nazirliyin tabeliyində olan Dovlət Sosial Müdafiə Fondunun bəzi regional ərazi filiallarında məqsədyönlü olaraq şəxsi maraqlar xatirinə yaradılan əngəlliklər nəticəsində aztəminatlı ailələrə sosial yardım təyin olunmur.
Hal-hazırda bu hallar ən çox DSMF-nin 7 saylı Cənub Regional Ərazi Filialında baş verir.
DSMF -nin Lənkəran Regional Ərazi Filialının işçiləri aztəminatlı ailələrə verdikləri əsassız imtinaları öz şəxsi maraqlarına xas olan qaydalarla qanuniləşdirə bilirlər. Belə ki, onların maraq dairəsində olmayan ailələr yoxlama baxışına gələrkən həmin ailələrə çaşdırıcı suallar verirlər. Onların məkrli planından xəbərsiz olan savadsız və sadəlöf aztəminatlı ailələr rahatca onların toruna düşürlər.
Həmin ailələrin müraciətlərinə gəlirlərin düzgün qeyd edilməməsi bəhanəsi ilə əsassız imtinalar verirlər.
Bu ilin yanvar və fevral ayında sosial yardım təyin olan ailələrin çox hissəsi sosial yardıma ehtiyacı olmayanlardır. Bu da dediklərimizə əyani dəlildir.
Vətəndaşlar bildirirlər ki, Lənkəran rayonunda ailələrə sosial yardımın təyin edilməsi bir neçə bir neçə işbazın əli ilə həyata keçirilir.
Sosial yardımla bağlı təyinatın verilməsi üçün nazirlik tərəfindən nümayəndələr ezam olunsa da, lakin filialın bəzi işçiləri onlarla ünsiyyət qurub öz məkrli planlarını həyata keçirməyə rahatca müvəffəq olurlar.
Görünür bu şəxslərin "qonaqpərvərliyi" ezam olunan nünayəndələri kifayət qədər qane etdiyi üçün onlar bütün qanunsuz əməllərə göz yumurlar. Hazırda aztəminatlı ailələrə əsassız imtina verilməsində ən çox adı hallananlardan biri Tərlan adlı şəxsdir.
Bu şəxslə bağlı narazılıqlar günü-gündən artır. Əgər Tərlan adlı tərəfindən verilən imtinalar və təyinatlarla bağlı tam əhatəli araşdırılma aparılsa, onun kim olması və hansı məqsədlərə xidmət etməsi tam bəlli olar. Görəsən, DSMF -nin 7 saylı cənub Regional Ərazi Filialının hazırki rəhbəri Uğur Qurbanzadə baş verən qanunsuzluqların izahını necə verər.
Növbəti məqaləmizdə Lənkəran rayonunda sosial yardıma möhtac olan aztəminatlı ailələrin sosial yardım üçün etdiyi müraciətlərinə məqsədyönlü olaraq əsassız imtina verib onları maddi və mənəvi təzyiqlərə məruz qoyan şəxslərlə bağlı konkret, qan dondurucu və tük ürpədici faktları işıqlandıracağıq .
Qarşı tərəfin də mövqeyini dinləyib işığlandırmağa hazırıq
Tarix: 15-03-2022, 11:17
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman