Müəllim Bakıda yaşaya-yaşaya Gəncənin 13 saylı məktəbindən dərnək maaşını niyə alıb? - İTTİHAM VAR!


Gəncə təhsilində daha bir özbaşınalığın üstü açılıb. Belə ki, Təhsil Nazirliyinin 8 saylı regional Maliyyə hesablaşma mərkəzi Gəncə şəhəri 13 saylı tam orta məktəbinin dərnək rəhbəri Rəfiqə Zeynalovanın Bakı şəhərində yaşamaqla işə gəlmədən havayı maaş almasını müəyyən ediblər. O da aydın olub ki, adıkeçən 65 yaşlı müəllim cari tədris ilinin oktyabrında bülletendə ola-ola dərs jurnallarına qeydlər də edib, eləcə də fevral ayında bir neçə günlük
Gəncəyə gələrək yaş həddilə əlaqədar onunla bağlanmış əmək müqaviləsinin bitmiş müddətini Təhsil müdiri Anar Qədimalıyevin xüsusi razılığı ilə daha bir neçə aylıq müddətə uzadıb.
DİA.AZ xəbər verir ki, "Demokratik.Az"-a bu barədə məlumat verən mənbənin sözlərinə görə, bu fakt Gəncə təhsilinin özbaşınalığının növbəti bariz nümunəsidir. Eləcə də son günlərdə Anar Qədimalıyevin öz şəxsi maraqları müqabilində müəllimlərə yaş həddi tətbiq etməsinin, yaşı 65-i tamamlamış bütün müəllimlərin yalnız Anar Qədimalıyevin şəxsi istəyilə işdə saxlanmasının, ədalət və bərabərlik prinsipinin qəsdən pozulmasının, məktəblərdə hələ də adı müəllim olub, özləri "ölü can"-a çevrilmiş ştatların mövcudluğunu xatırladır.
İnanaq ki, Anar Qədimalıyev hansı özəl marağa Bakıda yaşayan müəllimlə əmək müqaviləsinin müddətini uzatmasına cavab verəcək, eləcə də dərnək rəhbərinə ödənilmiş olan dövlət vəsaiti müəllimədən geri alınacaq.
Tarix: 18-04-2022, 19:46
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman