Zaur Mikayılovun işçisinə bir il əvvəldən deyilib... - Biləsuvardan ŞİKAYƏT


Biləsuvar rayonunun İsmətli kəndində körpü qəzalı vəziyyətdədir.

Siam.az xəbər verir ki, bu barədə "Report"un yerli bürosuna kənd sakinləri deyib.

Onların sözlərinə görə, bu körpü 62 ildir ki, sakinlərə xidmət edir. Lakin indi körpü qəzalı vəziyyətə düşüb:

"2021-ci ilin aprel ayında Biləsuvar rayon Suvarma Sistemlər İdarəsinin müdiri Ədalət Babayevə məktubla müraciət edərək kəndin daxilindən axan “Vetka-3” deyilən su kanalı üzərindəki körpünün təmiri və körpüdə səviyyə qaldırıcı qurğunun quraşdırılmasını xahiş etdik. Bundan sonra idarədən nümayəndələr kəndə gələrək körpüyə baxış keçirdi. Daha sonra körpünün təmirinin və səviyyə tənzimləyici qurğunun quraşdırılmasının məqsədə uyğun olması və tikinti qurasdırma işlərinə başlanılacağı bildirildi. Ancaq üstündən bir ildən çox keçməsinə baxmayaraq, heç bir iş görülməyib"

Problemlə bağlı Biləsuvar rayon Suvarma Sistemlər İdarəsindən bildirilib ki, sakinlər sözügedən körpünü vaxtilə özləri keçid üçün saldığından, idarənin balansında olmaması, təmir-bərpa işi üçün layihəni hazırlamağa imkan vermir: "Körpünün təmirinə və üzərindəki hidrotexniki qurğunun bərpasına “Azərbaycan Meliorasiya və Su Təsərrüfatı” Açıq Səhmdar Cəmiyyəti tərəfindən icazə verilərsə, bu mümkün olacaq".
Tarix: 11-06-2022, 09:16
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman