Ucarın bitməyən "SƏHİYYƏ DƏRDİ" ... - PREZİDENTƏ ŞİKAYƏT


Ucar rayon sakinləri tərəfindən ölkə rəhbərliyinə müraciət ünvanlanıb. Bir nüsxəsi SİAM.AZ-a daxil olan müraciətdə deyilir:

"Biz Ucar rayon əhalisi Prezident cənab İlham Əliyevdən kömək istəyirik. Ucar rayon Xəstəxanası Hüququ Publik Şəxsin direktoru Zeynal Bayramlının zülmü bitib tükənmir.Təxminən 10 gün əvvəl TƏBİB və Səhiyyə Nazirliyinin əməkdaşları Ucarda olub iki gün xəstəxanada araşdırma aparsalarda heç bir nəticə olmayıb. Çünki Zeynal Bayramlı hər yerdə danışır ki, ağızlarına pul atıb söhbəti bağlanmışam.Adam dövlətdən talan etdiyi kapital hesabına artıq qan bağlayır, nəinki bir yoxlamadan canını qurtara bilməsin.
Zeynal Bayramlının özbaşınalığına görə Ucarda insanlar arasında dövlətə və qanunlara inamsızlıq yaranıb.İş fəaliyyəti talançılıq, korrupsiya , reketçilik olan Zeynal Bayramlının barəsində nə vaxt qanunu tədbir görüləcəyini Ucar camaatı səbirsizliklə gözləyir.

Mən Ucar rayonu Gəraybəyli kənd sakini Rəhimov Hafiz Ramiz oğlu anadan gəlmə 1-ci qrup əliləm. Mənə düşəcək dərmanlar vermilmədiyi üçün şikayətlər etdiyim görə Xəstəxananın direktoru Zeynal Bayramlı məni hədələyir ki, sənin maqazinini sökdürəcəm.Kiçik maqazinim Ucar xəstəxanasının yaxınlığında yerləşir.Zeynal Bayramlı tez-tez hüquqşünası Abdulla Novruzovu mənim üstümə göndərir ki, maqazini sökməlisən yada ki, dərman istəmə şikayətlər etmə.Zeynal Bayramlı 15 ildir ki, Ucar xəstəxanasını pis günə qoyub.

Mən Ucar şəhəri 28 May küçəsi sakini Quliyeva İradə Məzahir qızı əlillik müddəti bitdiyi üçün Ucar xəstəxanasının Əfrayım adlı həkimi məndən 1000 manat pul aldı ki, sənədlərini düzüb qoşub TSEK-na göndərilməsini təşkil edəcəyik.Ancaq hər dəfə mənə imtina gəlsədə pulumu geri qaytarmayıblar.Bu barədə etdiyim şikayətdən sonra xəstəxananın direktoru Zeynal Bayramlı məni otağına çağırdı.Onun söhbətindən sonra mənə məlum oldu ki, Əfrayıb həkimin məndən aldığı 1000 manat pul Zeynal Bayramlıya çatıbmış.Mənə əlillik dərəcəsi təyin olunmasada 1000 manat pulum geri qaytarılmadı.Baş həkim Zeynal Bayramlı mənə axırıncı dəfə dedi ki, sənədlərini elə yazdıracam ki, sənə bu dəfə əlillik təyin edəcəklər.Ancaq mənə əlillik təyin edilmədi pulumuda geri qaytarmadılar.

Mən Ucar rayonu Qaracallı kənd sakini Səlimov Elsevər Ağası oğlu bildirirəm ki, pis xəstələndim deyə məni Ucar xəstəxansına gətirdilər.Orada Təranə həkim məni müayinə edib dedi ki, təcili get Bakı şəhərinə anju olmalısan.Təranə həkim mənə bir qucaq dərman yazmışdı.Onun müalicəsi pis təsir etdi deyə səhhətim dahada pisləşdi.Məni Gəncə şəhərində yerləşən xəstəxanada Nizami adlı həkim müayinə edib bir -iki dərman yazdı onunlada mən tam sağaldım.Zeynal Bayramlının Ucar xəstəxanasında yaratdığı özbaşınalığa görə sakinlər çox əziyyət-zülm çəkirlər.Rayon sakinləri Göyçay, Mingəçvirə və digər rayonların xəstəxanalarına üz tuturlar.Çünki Zeynal Bayramlının rəhbrliyi altında Ucar xəstəxanası tam bərbad gündədir.

Prezident cənab İlham Əliyevdən xahiş edirik biz insanların şikayətini yerində komissiya yaradıb dinləyib obyektiv araşdırıb yaratdığı özbaşınalığa, qanunsuzluğa və dövlət vəsaitini talan etdiyinə görə Ucar xəstəxanasının direktoru Zeynal Bayramlının barəsidnə ciddi ölçü götürəsiniz".

İddia olunanlarla bağlı Siam.az olaraq qarşı tərəfi də dinləməyə hazırıq...

Tarix: 20-12-2022, 08:51
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman