Tərtərdə abadlıq işləri davam etdirilir


Tərtərdə abadlıq işləri davam etdirilir
2023-cü ilin ilk günlərindən başlayaraq Tərtər şəhərində tikinti, abadlıq-
quruculuq işləri geniş vüsət alıb. Küçələr memarlıq tələblərinə uyğun olaraq
yenidən qurulur. Bu brədə Siam.az-a yerli RİH-dən məlumat verilib.
Bununla bağlı Tərtər Rayon İcra Hakimiyyətinin başçısı Müstəqim Məmmədov
şəhər ərazisində aparılan abadlıq-quruculuq işləri işlərlə yerində tanış olub,
müvafiq tövsiyə və tapşırıqlarını verib.
Hazırda şəhərin Heydər Əliyev prospektində, Şıxəli Qurbanov küçəsində
avtomobil yolunun kənarları boyunca köhnəlmiş, yararsız bardürlar
götürülərək yeniləri ilə əvəz olunur. Bardurların arxasına münbit torpaq qatı
tökülərək yaşıllıq zonası yaradılır. Səkilər yeni asfalt örtüyünün salınması
üçün hazırlanır. Kommunikasiya, işıq, telefon xəttləri səliqəyə salınır,
ağaclar budanır, təmizlik işləri aparılır.
Şıxəli Qurbanov küçəsində yerləşən Sabir parkında da yenidənqurma
işlərinə başlanılmışdır. Əraziyə münbit torpaq daşınaraq hamarlanıb.
Ağaclar budanıb, təmizlik işləri aparılıb. Köhnə, yararsız tamet daşları və
bardurlar sökülərək yenisi ilə əvəz olunur, Həmçinin parkın ərazisində 
Mirzə Ələkbər Sabirin satirik əsərlərinin persanajlarına qoyulmuş heykəllər
də təmir-bərpa olunacaq, istinad divarları aqlay daşları ilə üzlənəcək, yeni,
müasir işıqlanma sistemləri quraşdırılacaq.
Vətən uğrunda, torpaqlarımızın ərazi bütövlüyü uğrunda şəhid olmuş
həmyerlilərimizin adları verilmiş Qənbər Qənbərli, Sənan Məmmədli, Azər
Şəmilov küçələrində də əsaslı təmir işləri aparılır, küçələr müasir
standartlara uyğun olaraq yenidən qurulur. İstinad divarları hündürləşdirilir,
aqlay və qaya daşları ilə üzlənir. Telekommunikasiya, işıq, qaz xətləri
səliqəyə salınır, təmizlik, abadlıq işləri aparılır.
Sakinlər şəhər ərazisində aparılan abadlıq-quruculuq işlərində razılıq
edərək Azərbaycan Respublikası Prezidenti cənab İlham Əliyevə və Birinci
vitse-prezident Mehriban xanım Əliyevaya öz minnətdarlıqlarını bildiriblər.

Tərtərdə abadlıq işləri davam etdirilir
Tərtərdə abadlıq işləri davam etdirilir
Tərtərdə abadlıq işləri davam etdirilir
Tərtərdə abadlıq işləri davam etdirilir
Tarix: 25-01-2023, 09:29
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman