Tərtərlilər Türkiyədə zəlzələdən ziyan çəkmiş bolgələrə yardım aksiyasına qoşulublar

06 fevral 2023-cü il tarixdə qardaş Türkiyə Respublikasında baş vermiş güclü zəlzələ 
geniş dağıntılara və insan itkisinə səbəb olmuşdur.

Ölkəmizin hər yerində olduğu kimi tərtərlilər də Türkiyədə baş vermiş zəlzələdən ziyan 
çəkmiş bölgələrə yardım aksiyasına qoşulublar. Rayoda fəaliyyət göstərən  “Vəkiloğlu” 
MMC, ayrı-ayrı iş adamları, şəhid anaları, qazilər, müxtəlif təbəqələrdən olan insanlar 
zəlzələ baş vermiş bolgəyə qış paltarları, yataq, yorğan, döşək dəstləri, zəruri gigenik 
vasitələr və ərzaq yardımları  toplayıblar. Toplanan yardımlar bu gün xüsusi ayrılmış 
nəqliyyat vasitəsi ilə Tərtərdən Gəncə şəhərində yerləşən Türkiyə Konsulluğuna yola 
salınıb.

Tərtər Rayon İcra Hakimiyyətinin Başçısı Müstəqim Məmmədov  yardım toplanan 
məntəqədə olub, sakinlərlə görüşüb. Qeyd edib ki, Azərbaycan  Türkiyədə baş verən 
zəlzələyə ilk reaksiya verənlərdən oldu, həmişəki   kimi türk qardaş və bacılarının 
yanında olduğunu bir daha nümayiş etdirdi. Azərbaycan Respublikasının Prezidenti 
cənab İlham Əliyevin, Birinci  vitse-prezident Mehriban xanım Əliyevanın   tapşırığı ilə 
Türkiyəyə   həm insanların dağıntılar altından çıxarılnması üçün  xilasedicilər, həm    də 
humanitar yardımlar  göndərildi. Yardımsevər xalqımız da  könüllü surətdə bu aksiyaya 
qoşuldu.
Rayon rəhbəri aksiyaya qoşulan,  dili bir, dini  bir qardaşlarımıza göstərilən humanitar   
yardıma görə hər kəsə öz minnətdarlığını bildirib.

---

---