“Heydər Əliyev İli-2023”: Tərtərdə “Heydər Əliyev ideyaları bu gün də yaşayır və ugurlarımızın rəhnidir” mövzusunda konfrans keçirilib

Azərbaycan Respublikası Prezidentinin 29 sentyabr 2022-ci il tarixli Sərəncamına 
əsasən 2023-cü il “Heydər Əliyev İli” elan edilib. Ümummilli Liderin anadan olmasının 
100 illiyi və 2023-cü ilin “Heydər Əliyev ili” elan edilməsi münasibəti ilə Tərtər  
rayonunda  silsilə tədbirlər  keçirilir.
22 iyun 2023-cü il tarixdə “Heydər Əliyev İli “ çərçivəsində YAP rayon təşkilatının və 
rayon icra hakimiyyətinin təşkilatçılığı ilə Mədəniyyət Mərkəzində əslən rayondan olan 
tanınmış ziyalıların iştirakı ilə “Heydər Əliyev ideyaları bu gün də yaşayır və 
ugurlarımızın rəhnidir” mövzusunda konfrans keçirilib.

Konfransda Tərtər Rayon İcra Hakimiyyətinin başçısı Müstəqim Məmmədov, YAP İdarə 
Heyətinin üzvü Asif Əsgərli,  YAP Mərkəzi Aparatının təşkilat şöbəsinin baş 
məsləhətçisi Elmar Məmmədov, YAP rayon təşkilatının sədri Eldar Əsədov, akademik 
Vaqif Abbasov, xalq şairi Vahid Əziz, xalq artisti Teyyub Aslanov, idarə, müəssisə, 
təşkilat rəhbərləri, inzibati ərazi dairələri üzrə nümayəndələr, təhsil, səhiyyə, mədəniyyət 
işçiləri, şəhid ailələri, qazilər, veteranlar və KİV nümayəndələri iştirak ediblər.
Konfrans iştirakçıları əvvəlcə Ümummilli Lider Heydər Əliyevin abidəsini və Şəhidlər 
Abidə Kompleksini ziyarət edib, xatirələrinə ehtiram əlaməti olaraq abidələrin önünə  gül 
dəstələri düzüblər. Sonra konfrans rayon Mədəniyyət Mərkəzində davam edib.
Tədbirdə Ümummilli Lider Heydər Əliyevin və torpaqlarımızın ərazi bütövlüyü uğrunda 
canlarını fəda etmiş şəhidlərin xatirəsi bir dəqiqəlik sükutla yad edilib. Azərbaycan 
Respublikasının Dövlət himni səsləndirilib. Ulu Öndərin həyat və fəaliyyətini əks etdirən 
filmə baxılıb.
Sonra şəhər 2 saylı məktəb-liseyin şagirdləri qonaqları salamlayaraq Ulu Öndərin 
müdrik kəlamlarını səsləndiriblər.
YAP Tərtər Rayon təşkilatının sədri Eldar Əsədov  qonaqları, konfrans iştirakçılarını 
salamlayıb, “Heydər Əliyev ideyaları bu gün də yaşayır və ugurlarımızın rəhnidir” 
mövzusunda məruzə edib. O, məruzəsində  Azərbaycanın müasir tarixində Ulu 
öndərimiz Heydər Əliyevin müstəsna xidmətlərinin ictimai-siyasi mahiyyətindən, bu dahi 
şəxsiyyətin müstəqil Azərbaycanın sosial-iqtisadi və siyasi əsaslarının 
möhkəmləndirilməsində, dünyanın aparıcı dövlətlərinin etibarlı tərəfdaşına 
çevrilməsində xidmətlərindən söhbət açıb. Qeyd olunub ki, XX əsrin mürəkkəb 
geosiyasi prosesləri fonunda ölkəmizin öz müstəqilliyini qoruyub saxlaması, cəmiyyətin 
ən müxtəlif təbəqələrinin mənafelərini ifadə edən dövlət idarəetmə sisteminin 
yaradılması Heydər Əliyevin adı ilə bağlıdır. Onun qurduğu müstəqil Azərbaycan dövləti 
dünyanın ən qüdrətli ölkələrinin strateji müttəfiqi kimi regionda cərəyan edən proseslərin 
mərkəzində dayanır.
Sonra söz Tərtər rayon  İcra Hakimiyyətinın Başçısı Müstəqim Məmmədova verilib. 
Rayon rəhbəri bildirib ki, məhz Heydər Əliyevin sayəsində Azərbaycan öz müstəqilliyinə 
nail olmuş, dünya dövlətləri sırasında öz mövqeyini qoruyub saxlaya bilmiş, üzərinə 
düşən xilaskarlıq missiyasını şərəflə yerinə yetirməkdən ötrü zamanın bütün ağırlığını 
öz çiyinlərinə götürərək dövlətimizi dünyanın xəritəsindən silinmək təhlükəsindən, xaos 
və hərc-mərclikdən qurtarmışdır. Böyük düha sahibi Heydər Əliyev öz misilsiz xidmətləri 
ilə Azərbaycan xalqının və onun tarixinin ən qüdrətli şəxsiyyətinə çevrilmişdir.
 
1969-cu il iyul plenumunda Heydər Əliyev Azərbaycan SSR Kommunist Partiyası 
Mərkəzi Komitəsinin birinci katibi seçilib. 1982-ci ilin dekabrında Heydər Əliyev SSRİ 
Nazirlər Soveti sədrinin birinci müavini vəzifəsinə təyin edilib və SSRİ-nin rəhbərlərindən 
biri olub. Heydər Əliyev 1987-ci ilin oktyabrında Sovet İttifaqı Kommunist Partiyası 
Mərkəzi Komitəsi Siyasi Bürosunun və baş katib Mixail Qorbaçovun yeritdiyi siyasi xəttə 
etiraz əlaməti olaraq, tutduğu vəzifələrdən istefa verib.

Hər kəsə yaxşı məlumdur ki, 20 Yanvar hadisələrinə ilk hüquqi qiymətin verilməsi 
Ümummilli Lider Heydər Əliyevin adı ilə bağlıdır və bu, Ulu Öndərin siyasi iradəsinin 
nəticəsidir. 1990-cı il yanvarın 21-də Sovet rejiminin qadağalarına rəğmən, həyatını 
təhlükə qarşısında qoyaraq Azərbaycanın Moskvadakı daimi nümayəndəliyinə gələn 
Ulu Öndər Heydər Əliyev qanlı faciənin təşkilatçılarını qarşısında ittiham etdi, ifşaedici 
və cəsarətli bir bəyanat verdi.

Ulu Öndərin doğma Vətənə qayıdışını xalqımız bu gün də qürurla xatırlayır. 1990-cı ilin 
iyulunda Azərbaycana qayıdan Heydər Əliyev qısa müddət Bakıda qaldıqdan sonra 
Naxçıvanda yaşayıb, həmin ildə də Azərbaycan Ali Sovetinə deputat seçilib. O, 1991-
1993-cü illərdə Naxçıvan Muxtar Respublikası Ali Məclisinin sədri, Azərbaycan 
Respublikasının Ali Soveti sədrinin müavini olub.
.
Xalqın tələbi ilə Naxçıvandan Bakıya gələn Heydər Əliyev 1993-cü il iyunun 15-də 
Azərbaycan Ali Sovetinin sədri seçildi. Həmin gün tarixə Milli qurtuluş günü kimi yazıldı. 
İyunun 24-dən Milli Məclisin qərarı ilə Azərbaycan Respublikası Prezidentinin 
səlahiyyətlərini həyata keçirməyə başladı. 1993-cü il oktyabrın 3-də ümumxalq 
səsverməsi nəticəsində Heydər Əliyev Azərbaycan Respublikasının Prezidenti seçilib. 
Ulu Öndər Heydər Əliyevin 1993-cü ildə Prezident seçilməsi Azərbaycan xalqını 
qurtuluşa aparan yolun ilk addımıdır. Ulu Öndər 1993-cü il oktyabrın 10-da dövlətə və 
xalqa sədaqət andı içərək Azərbaycanı böyük bəlalardan, faciələrdən hifz edib, ölkəni 
sabitlik, iqtisadi inkişaf və tərəqqi yoluna çıxarıb, qlobal enerji-kommunikasiya 
layihələrini reallaşdırmaqla Vətənə sədaqətlə xidmətin əyani nümunəsini yaratdı. O, 
1998-ci il oktyabrın 11-də keçirilən növbəti prezident seçkilərində yenidən Azərbaycan 
Respublikasının Prezidenti seçildi.

Bu gün qürurla söyləyə bilərik ki, Ulu Öndərin müdrik siyasəti nəticəsində Azərbaycan, 
sözün əsl mənasında, müstəqil dövlətə çevrilmişdir. Azərbaycan xalqı haqlı olaraq 
Heydər Əliyevi Azərbaycanın dövlət müstəqilliyinin qurucusu kimi qəbul edir. Onun 
rəhbərliyi altında dövlətçiliyin əsasları qoyuldu və ciddi islahatlara start verildi. 
Azərbaycan beynəlxalq aləmdə öz möhkəm yerini tuta bildi. Ən ağır məqamlarda 
Azərbaycan xalqı əmin idi ki, Heydər Əliyev müstəqilliyi, dövlət maraqlarını, xalqımızın, 
dövlətimizin maraqlarını qoruyacaq və xalqımızın inkişafı ilə bağlı ən düzgün qərar 
verəcəkdir. Xalqla iqtidar arasındakı birlik ölkənin uğurlarının əsas səbəbidir.

Konfransda YAP İdarə Heyətinin üzvü  Asif Əsgərli, Akademik Vaqif Abbasov, Xalq 
 şairi Vahid Əziz, Xalq artisti Teyyub Aslanov da çıxış ediblər. 

Cıxışlarda bir fikir vurğulanıb: Millətin məhəbbətini qazanmış Ümummilli Lider Heydər 
Əliyev Azərbaycan xalqının yaddaşında qurucu və xilaskar dövlət xadimi kimi əbədi 
olaraq yaşayacaqdır. Nə qədər Azərbaycan dövləti var, Azərbaycan xalqı var Ulu Öndər 
Heydər Əliyev daim ən ülvi məhəbbətlə, hörmət və ehtiramla yad olunacaq, anılacaq. 

Sonra qonaqlara Tərtər Rayon İcra Hakimiyyətinin başçısı tərədindən fəxri fərman və 
xatirə hədiyələri, YAP rayon təşkilatı tərəfindən isə rayonun sosial-iqtisadi həyatında 
fəal iştirak edən bir qrup partiya fəalına fəxri fərman və YAP sıralarına yeni qəbul 
olunmuş partiya  üzvlərinə vəsiqələr təqdim olunub.

Sonda  əslən Tərtərdən olan Azərbaycanın Xalq artisti Teyyub Aslanovun və Bərdə 
Regional Mədəniyyət İdarəsinin tabeliyindəki şəhər və rayonların mədəniyyət işçilərinin 
iştirakı ilə konsert proqramı təqdim edilib.

---

---