Rayon rəhbərinin sədrliyi ilə növbəti aparat müşavirəsi keçirilib

Tərtər Rayon İcra Hakimiyyətinin başçısı Müstəqim Məmmədovun sədrliyi ilə 
keçirilən müşavirədə rayon icra hakimiyyəti başçısı aparatının əməkdaşları, 
İƏD üzrə nümayəndələr və bələdiyyə sədrləri iştirak ediblər.
Müşavirədə rayon rəhbəri əvvəlcə “Heydər Əliyev İli” ilə əlaqədar Tərtər 
Rayon İcra Hakimiyyətinin Tədbirlər Planınına uyğun olaraq rayonda keçirilmiş 
və keçiriləcək tədbirlər barədə məlumat verib, idarə, müəssisə və təşkilatlarda 
Ulu Öndərlə bağlı tədbirlərin il ərzində davam etdiriləcəyini bildirib.
Sonra Azərbaycan Respublikası Prezidentinin fərman və sərəncamlarının 
icrasının təmin edilməsi, vətəndaş müraciətlərinə müvafiq qanunvericiliyin 
tələblərinə uyğun olaraq operativ surətdə baxılaraq vətəndaş 
məmnunluğunun təmin olunması, vətəndaş müraciətlərinin Rəqəmsal İcra 
Hakimiyyəti Portalı vasitəsilə etmələri barədə maarifləndirmə işinin aparılması, 
şəhid və qazi ailələrinin problem və sosial qayğılarının öyrənilib həlli 
istiqamətində müvafiq tədbirlərin görülməsi, şöbələr üzrə verilmiş tapşırıqların 
icra vəziyyəti, içməli sudan qənaətlə istifadə olunması və əkin sahələrinin 
suvarılma suyuna olan təlabatının növbəlilik əsasında təşkili, növbəti əkin ili 
üçün pambıq və çüğundur əkiləcək sahələr müəyyənləşdirərkən əsasən 
sututan ərazilərdən istifadə edilməsi, İƏD üzrə nümayəndələr tərəfindən 
sakinlər arasında əmlaklarının sığortalanması, bələdiyyə rüsumlarının 
vaxtında yığılması ilə əlaqədar maarifləndirmə işlərinin aparılması, 
soydaşlarımızın haqq səsinin bütün dünyaya çatdırılması üçün Qərbi 
Azərbaycan İcmasının sosial şəbəkə ünvanlarını izlənilməsi və paylaşılması 
üçün əhali arasında təbliğat işlərinin aparılması, rayon ərazisində aparılan 
tikinti işlərinin mövcud qanunvericiliyin və şəhərsalma-arxitektura tələblərinə 
uyğun təmin edilməsi,bütün yaşayış məntəqələrində, yolkənarı ərazilərdə, 
şəhid abidələrinin ətrafında təmizlik-abadlıq işlərinin görülməsi, aqrar sahədə 
aparılan mövsümi işlər-əsasəndə pambığın, çuğundurun suvarılması və 
becərilməsi və digər məsələləri müzakirə olunub.
Müzakirə olunan məsələlər barədə başçının birinci müavini Elvin Umudov 
çıxış edib.
Rayon rəhbəri tərəfindən müzakirə olunan məsələlər barədə müvafiq tapşırıq 
və tövsiyələr verilib.

---

---