8 noyabr–Zəfər Günü münasibəti ilə Tərtərdə Şəhidlər Abidə Kompleksinin qarşısında bayram tədbiri keçirilib

Tədbirdə rayon icra hakimiyyətinin başçısı Müstəqim Məmmədov, Milli Məclisin deputatı 
Sahib Alıyev, hüquq-mühafizə orqanlarının rəhbərləri, YAP rayon təşkilatının sədri Eldar 
Əsədov, Ağsaqqqallar şurasının sədri Faiq Məmmədov, şəhid ailələri, qazilər, müharibə 
veteranları, rayon ictimaiyyətinin nümayəndələri iştirak ediblər.
Əvvəlcə torpaqlarımızın suverenliyi uğrunda canlarını qurban vermiş şəhidlərin xatirəsi 
bir dəqiqəlik sükutla yad edilid və onların xatirəsinə ucaldılmış abidənin önünə gül 
dəstələri düzülüb.
Sonra Rayon icra Hakimiyyətinin başçısı Müstəqim Məmmədov, Milli Məslisin deputatı 
Sahib Alıyev tərtərliləri–onların timsalında bütün Azərbaycan xalqını şanlı Zəfər Bayramı 
münasibəti ilə səmimi qəlbdən təbrik ediblər.
Qeyd olunub ki, 8 noyabr tarixində 30 ilə yaxın davam edən Ermənistan-Azərbaycan 
münaqişəsinə və Azərbaycan ərazilərinin işğalına son qoyan, öz doğma torpaqlarından 
qaçqın və məcburi köçkün düşmüş yüzminlərlə azərbaycanlının fundamental 
hüquqlarının bərpa olunduğu, bölgədə sülh və əməkdaşlıq üçün imkan yaradan 44 
günlük Vətən müharibəsi nəticəsində minlərlə azərbaycanlının canı və qanı bahasına 
qazanılmış Zəfər Günü qeyd olunur.
Müstəqilliyinin ilk illərindən qonşu ölkə Ermənistanın hərbi təcavüzü, işğalı, etnik 
təmizləmə və soyqırımı siyasətinə məruz qalan, bir milyona yaxın qaçqın və məcburi 
köçkün problemi ilə üzləşən Azərbaycan sülh prosesinə sadiq olmaqla yanaşı, işğal 
faktı ilə barışmayacağını daim bəyan edib.
Vətən müharibəsi nəticəsində Azərbaycan beynəlxalq hüququn norma və prinsiplərini, o 
cümlədən öz ərazi bütövlüyünü, suverenliyini, sərhədlərinin toxunulmazlığını təmin etdi, 
bununla BMT Təhlükəsizlik Şurasının 4 qətnaməsinin icrasına nail oldu.
44 gün ərzində Azərbaycanın mülki əhalisinin sıx məskunlaşdığı, cəbhə xəttindən çox 
uzaqda yerləşən ərazilərdə yaşayan azərbaycanlılara qarşı Ermənistan tərəfindən 
müharibə cinayətlərinin törədilməsinə baxmayaraq, xalqımızın birliyi və həmrəyliyi, 
Müzəffər Ali Baş Komandanın rəhbərlik etdiyi Şanlı Azərbaycan Ordusunun şücaəti 
nəticəsində Cəbrayıl, Füzuli, Zəngilan, Qubadlı və Şuşa şəhərləri daxil olmaqla, 
ümumilikdə, 300-dən çox yaşayış məntəqəsi işğaldan azad edildi.
Buna baxmayaraq, Ermənistan yenə də sülh sazişi istiqamətində danışıqlara maneçilik 
törətmək, hərbi-siyasi təxribatları və mina təhdidini davam edərək sülh prosesini, 
vətəndaşlarımızın həyatını, regiondakı bərpa və yenidənqurma işlərini təhdid altına 
almaqda davam etmək yolunu seçdi. Ermənistan tərəfi bununla yanaşı, öhdəliklərinə 
zidd olaraq, bölgədə sülh və təhlükəsizliyə əsas təhdid mənbəyi olan erməni silahlı 
qüvvələrini nəinki Azərbaycan ərazilərindən çıxarmadı, onlara maddi və maliyyə 
dəstəyini davam etdirdi, Azərbaycan ərazilərinə qanunsuz olaraq silah, hərbi texnika və 
mina ötürülməsi fəaliyyətindən əl çəkmədi. Ermənistan həmçinin hələ də işğal altında 
olan 8 Azərbaycan kəndini Azərbaycana təhvil vermədi.
Azərbaycanın bütün səviyyələrdə və platformalarda xəbərdarlıqlarına məhəl qoymayan 
Ermənistanın Azərbaycan ərazisindəki qanunsuz silahlı birləşmələri cari ilin sentyabr 
ayında təxribatlarını artırdı və bir gündə 6 nəfər azərbaycanlı mülki şəxslər və polislərin 
ölümü ilə nəticələnən mina partlayışı törətdi. Buna cavab olaraq, Azərbaycan tərəfi 
qanunsuz erməni qüvvələrinin mövcudluğuna son qoymaq və bütün ərazilərində tam 
suverenliyi bərpa etmək məqsədilə, Qarabağ bölgəsində 19-20 sentyabr 2023-cü il 
tarixlərində 24 saat ərzində antiterror tədbirləri həyata keçirdi.
Hazırda, erməni silahlı birləşmələrinin və Ermənistanın ərazilərimizdə yaratdığı 
qondarma rejimin mövcudluğuna son qoyulduqdan sonra, bölgədə sülh və sabitlikbərpa 
olundu.
8 Noyabr – Zəfər Günündə müstəqilliyimiz, ərazi bütövlüyümüz və suverenliyimiz 
uğrunda canlarından keçən şəhidlərimizin əziz xatirəsini dərin hörmət və minnətdarlıqla 
yad edirik.
Birinci Qarabağ müharibəsində olduğu kimi 44 günlük Vətən müharibəsində də tərtərlilər 
böyük dözüm və dəyanət nümayiş etdirdilər. Ön cəbhədə olduğu kimi arxa cəbhədə də 
mülki insanlar  şəhid oldu, yaşayış məntəqələrimiz atəşə tutuldu, ancaq  düşmənə bir 
qarış da torpaq verilmədi. Vətən müharibəsində Ermənistan silahlı birləşmələri 
beynəlxalq hüquq normaları ilə müəyyən olunmuş qaydaları pozaraq, Tərtər şəhəri də 
daxil olmaqla rayonun yaşayış məntəqələrinə 16 min 277 top, tank, qrad mərmisi, 21 
qadağan olunmuş raket atıb, bəzi günlərdə Tərtərə 2000-dən çox mərmi atılıb. “Tərtər 
şəhəri II Dünya müharibəsindən sonra Avropanın ən çox bombalar və raketlərin atıldığı  
şəhərlərindən biridir!”
Tərtərlilər bu gün böyük qürur hissi ilə Zəfər Bayramını qetd edirlər. Yenilməz sərkərdə, 
Ali Baş  Komandan İlham Əliyevlə böyük qürrur duyurlar. Çünki o ata vəsiyyətini yerinə 
yetirib, verdiyi bütün vədlərə əməl edib.
Zəfər Günümüz mübarək olsun!

---

---