Rayon rəhbərinin Aşağı Qapanlı kəndində növbəti səyyar qəbul- görüşü keçirilib

Azərbaycan Respublikasının Prezidenti cənab İlham Əliyevin tapşırıq və
tövsiyyələrinə uyğun olaraq mütəmadi surətdə bölgələrdə icra başçılarının
səyyar qəbul görüşləri keçirilir. Keçirilən səyyar qəbul-görüşlərin məqsədi
vətəndaşları narahat edən məsələləri bilavasitə yerində öyrənmək və onların
rastlaşdıqları problemləri vaxtında aradan qaldırmaqdır.
Tərtər Rayon İcra Hakimiyyətinin başçısı Müstəqim Məmmədovun təsdiq
olunmuş qrafikə uyğun olaraq növbəti səyyar qəbul-görüşü Aşağı Qapanlı
kəndində keçirilib.
Qəbulda YAP Tərtər rayon təşkilatının və Ağsaqqallar şurasının sədrləri,
səhiyyə, təhsil, mədəniyyət, digər xidmət təşkilatlarının rəhbərləri, ərazi icra
nümayəndəsi, bələdiyyə sədri və kənd sakinləri iştirak ediblər.
Əvvəlcə icra başçısı kənddə torpaqlarımızın ərazi bütövlüyü uğrunda canını
fəda etmiş şəhidlərin xatirəsinə ucaldılmış abidənin önünə gül-çiçək dəstələri
düzüb, şəhidlərin xatirəsi bir dəqiqəlik sükutla yad edilib.
Rayon rəhbəri qəbulda Azərbaycan Silahlı Qüvvələrinin Qarabağ bölgəsində
həyata keçirdiyi lokal xarakterli antiterror tədbirlərindən danışıb, lokal
xarakterli antiterror tədbirlərinin 2020-ci il noyabrın 10-da imzalanmış üçtərəfli
Bəyanatın müddəaların təmin etdiyini, Qarabağ iqtisadi rayonunda törədilən
genişmiqyaslı təxribatların qarşısını aldığını, Ermənistan silahlı qüvvələrinin
birləşmələrinin tərk-silah edilərək ərazilərimizdən çıxarıldığını, onların hərbi
infrastrukturunun zərərsizləşdirildiyini, mina terroruna son qoyulmasını və
Azərbaycan Respublikasının Konstitusiya quruluşunun bərpa etdiyini bildirib,
respublika prezidentinin 20 illik fəaliyyəti dövründə respublikamızın tərəqqi və
inkişafı həyata keçirdiyi qlobal layihələrdən, həmişə xalqının yanında
olmasından, oktyabın 15-də terrorculardan təmizlənmiş ərazilərdə
Xankəndində, Ağdərədə, Xocalıda, Xocavənddə Azərbaycan Bayrağını
dalğalandırmasından, Xankəndi şəhərinin mərkəzində etdiyi çıxışından
danışıb və Ali Baş Komandanın Xankəndi şəhərindəki çıxışından bu sözləri
xatırladıb:” Şadam ki, son 20 il ərzində verdiyim bütün vədlər, qarşıma
qoyduğum bütün vəzifələr icra edildi.
İcra başçısı əhalinin sosial durumunun yaxşılaşdırılması üçün həyata keçirilən
geniş həcmli layihələrdən, Vətən müharibəsində qazanılan Zəfərdən,
qələbədən sonra bərpa olunan kəndlərə, eləcə də rayonun Talış kəndinə
əhalinin köçürülməsindən, şəhid və qazi ailələrinə, vətən müharibəsi
veteranlarına dövlət tərəfindən göstərilən dəstəkdən də bəhs edib. Ölkə
rəhbərinin diqqət və qayğısı altında respublikamızda, eləcə də rayonumuzda
aparılan tikinti-quruculuq-abadlıq işlərini dilə gətirib, Qərbi Azərbaycan
İcmasının fəaliyyətindən, İcmanın etnik və dini ayrıseçkilik qoymadan insan
hüquqularının müdafiəsinə dəstək verilməsindən də danışıb.
Sonra rayon rəhbəri qəbulda kəndin sosial-iqtisadi inkişafı, əhalisi, onların
məşğuliyyəti, görülən işlər barədə məlumat verib.
Bildirilib ki, Aşağı Qapanlı kəndinin 93,46 hektar ərazisi, 57 təsərrüfatı, 268
nəfər əhalisi var. Kənd sakinləri əkinçilik və maldarlıqla məşğul olurlar. Kənd
daimi işıq, qazvə içməli su ilə təmin olunub.
Sakinlər 173 baş iribuynuzlu, 170 baş xırdabuynuzlu heyvan, 812 baş quş, 13
arı ailəsi saxlayırlar.
Son üç ildə Aşağı Qapanlı kəndinində Aşağı Qapanlı-Azad Qaraqoyunlu
kəndlərini birləşdirən 1200 metr kəndarası yola asfalt salınıb,su arxları 400 m
məsafədə lildən təmizlənib, kənd ərazisində müxtəlif növ ağaclar əkilib, 100 m
məsafədə kəndarası yollar təmir olunub, yol kənarları alaq otlarından
təmizlənərək səliqə-səhmana salınıb.
Rayon rəhbəri sakinlərə Elektron Hökumət Portalı tərəfindən yaradılmış
Rəqəmsal İcra Hakimiyyəti platforması barədə məlumat verərək, xidmətin
əlçatanlıq və üstünlüklərini qeyd edib vəhttps://rih.gov.az/platformasından
istifadə etmələrini tövsiyə edib. Erkən nikah və onun fəsadlarından söhbət
açıb, əlaqədar qurumları, hər kəsi erkən nikaha qarşı mübarizəyə çağırıb, bu
sahədə güclü maarifləndirmə işlərinin aparılmasına ehtiyac olduğunu bildirib.
İcra başçısı sonra sözü sakinlərə verib.
Kənd sakinlərindən Süleyman Məmmədov kəndə yeni internet xəttinin
çəkilməsi, Arif Hüseynov kəndin elektrik xətlərinin kabelləşdirilməsi işlərinin
tamamlanması, Kamran Əhmədov içməli su problemi, Tünzalə Cəfərova
məktəbə qaz xəttinin çəkilməsi və digər məsələlər ilə bağlı müraciət ediblər.
Qaldırılan məsələlərin bəziləri yerində həll olunub, bir qismi nəzarətə
götürülüb, rayon rəhbəri tərəfindən əlaqədar qurumlara aidiyyəti tapşırıqlar
verilib.
Qəbulda iştirak edən sakinlər onların problemlərinin həllinə həssaslıqla
yanaşıldığına, şəhid ailələri və qazilərə göstərilən diqqət va qayğıya görə
Azərbaycan Respublikasının Prezidenti cənab İlham Əliyevə və Birinci vitse-
prezident Mehriban xanım Əliyevaya öz minnətdarlıqlarını bildiriblər.