Qoy Bakıda təzə parlamentimiz işə başlasın – ermənilərin "seçki"lərinə qədər Xankəndini bombaladacaq...
Xəbər verdiyimiz kimi, müstəqil(!) Azərbaycan Respublikasının ərazisinin 20 faizini təşkil edən işğal altındakı hüquqi-tarixi torpaqlarında qondarılmış separatçı-terrorçu rejimin qanunsuz “mərkəzi seçki komissiyası” 2020-ci il martın 31-ə, yəni Azərbaycanlıların Soyqırımı gününə qeyri-qanuni “prezident və parlament” “seçki”ləri təyin edib.
Moderator.az xəbər verir ki, Xankəndidəki erməni nəşrlərinin yaydığı yeni məlumata görə, qondarma rejimin “msk”-sı dünən- yanvarın 22-də keçirdiyi növbəti iclasda “prezidentliyə” və “deputatlığa” namizədlərin, eləcə də”partiya”ların qeydiyyat və təbliğat vaxtlarını da açıqlayıb. Qeydiyyyat 2020-ci il fevralın 15-dən 25-dək aparılacaq. Namizədlərin təbliğat kampaniyası isə fevralın 26-da, yəni Azərbaycan Respublikasının digər ərazilərində ermənilər tərəfindən törədilmiş Xocalı soyqırımının 28-ci ildönümünün qeyd olunacağı gün start götürəcək və martın 29-u bitəcək...
P.S. Bizim başbilənlərin başı hələ yeni parlamentdə öz “etibarlı adamları”nı yerləşdirmək kampaniyasına qarışıb....
P.S. Qoy Bakıda təzə parlamentimiz işə başlasın – ermənilərin "seçki"lərinə qədər Xankəndini bombaladacaq...
Sultan Laçın