“Kəlbəcər -1990-cı illərdə işğal etdiyimiz Azərbaycan ərazisidir...”- Erməni general

“Sünikdən(qərbi Zəngəzur-S.L.) azərbaycanlılara dərhal yol vermək lazımdır. Çünki bu, ermənilər üçün Laçın dəhlizinin bağlanmayacağının yeganə təminatıdır...”
 
“Biz  Artsax ərazisindən yalnız Hadrutu itirmişik”. 
 
Moderator.az xəbər verir ki, bunu “İravunk” qəzetinə müsahibəsində Ermənistan baş naziri N.Paşinyanın lideri olduğu “Vətəndaş sazişi” partiyasının üzvü, deputat, müdafiə nazinin keçmiş müavini, general-leytenant  Qagik Melkonyan söyləyib.
 
“Kəlbəcər 1990-cı ildə Azərbaycan ərazisi olub. Bu, 1990-cı illərdə  işğal etdiyimiz Azərbaycan ərazisidir. Söhbət 90-cı illərdən gedir, SSRİ-nin tərkibində olub sonra onu tərk etdiyimiz vaxtdan”-  bunu da erməni deputat deyib.
 
Ermənistan müdafiə nazirinin keçmiş müavini öz müsahibəsində Zəngəzur dəhlizi məsələsinə də toxunub.  
 
“Sünikdən(qərbi Zəngəzur-S.L.) azərbaycanlılara dərhal yol vermək lazımdır. Çünki bu, ermənilər üçün Laçın dəhlizinin bağlanmayacağının yeganə təminatıdır”- deyə Q.Melkonyan vurğulayıb.
 
“Mən öz fikirlərimi bildirdim, mən belə hesab edirəm. Kim razılaşır, kim yox, bu, onların öz problemidir” – sonda isə Paşinyan tərəfdarı belə deyib.

---

---