ÜST COVID-19-la bağlı fövqəladə vəziyyətin başa çatdığını elan edib - SƏRHƏDLƏR AÇILIRMI?

ÜST COVID-19-la bağlı fövqəladə vəziyyətin başa çatdığını elan edib
Ümumdünya Səhiyyə Təşkilatı COVID-19-un beynəlxalq narahatlıq doğuran ictimai səhiyyə fövqəladə vəziyyəti (PHEIC) statusunun bitdiyini bəyan edib.

Siam.az APA -ya istinadən xəbər verir ki, ÜST-ün Beynəlxalq Fövqəladə Səhiyyə Tənzimləmələri Komitəsinin 15-ci iclasında COVID-19 pandemiyası müzakirə edilib.

Qeyd olunub ki, təşkilatın Baş katibi Tedros Adhanom Gebreyesus komitənin COVID-19-un beynəlxalq narahatlıq doğuran ictimai səhiyyə fövqəladə vəziyyəti statusunun ləğv edilməsi təklifi ilə razılaşıb.

“Bir ildən çoxdur ki, pandemiya azalma trendi göstərib. Bu trend bir çox ölkələrə COVID-19-dan öncəki həyata qayıtmaq imkanı verib. Dünən fövqəladə vəziyyət komitəsi 15-ci dəfə görüşüb və mənə tövsiyə edib ki, mən beynəlxalq narahatlıq doğuran ictimai səhiyyə fövqəladə vəziyyətinin bitdiyini elan edim. Mən tövsiyəni qəbul etmişəm”, - deyə Gebreyesus mətbuat konfransında deyib.

***

17:28

Ümumdünya Səhiyyə Təşkilatı (ÜST) COVID-19 üçün pandemiya statusunu ləğv edib.

APA xəbər verir ki, bu barədə qurumun Baş katibi Tedros Qebreyesus məlumat verib.

Tedros Qebreyesus bəyan edib ki, COVID-19 indi oturuşmuş və davam edən səhiyyə məsələsidir və artıq beynəlxalq narahatlığa səbəb olan ictimai sağlamlıq üçün fövqəladə vəziyyət deyil.

Bununla belə, Qebreyesus qeyd edib ki, bu, koronavirusun səhiyyə sahəsinə qlobal təhlükə olmadığı anlamına gəlmir.

O bildirib ki, koronavirus hələ də qalır, buna görə də bütün dövlətlər digər yoluxucu xəstəliklər kimi, COVİD-19-la da mübarizənin yollarını öyrənməlidir.

Koronavirus pandemiyası başlayandan 20 milyon insan xəstəlikdən dünyasını dəyişib.
Tarix: 5-05-2023, 22:38
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman