Bədrəddin Quliyevdən Heydər Əliyevə qarşı təbliğat: 2003-cü ildə “fövqəlnazir”in vasitəçisi kim olub?

Sovet imperiyasının Azərbaycanı işğal etməsindən sonrakı 100 illik siyasi tariximizi incələsək iki böyük tarixi şəxsiyyətin nüfuz və təsir gücünü görmüş olarıq. Bir –birinə qarşı , münasibətlərinin, siyasi-ideoloji görüşlərinin necə olmasından asılı olmayaraq bu iki tarixi şəxsiyyət Heydər Əliyev və Əbülfəz Elçibəydir.(sıralama doğum tarixinə görədir, yozmağa ehtiyac yoxdur.) Təəssüflər olsun ki, bu zirvələrin kölgəsində özünü böyük bilən çoxları hazırda fiziki baxımdan aramızda olmayan liderlər haqqında ağıllarına və ağızlarına gələni danışırlar. Məsələ yalnız ağılsızlıqda və ağız pozğunluğunda olsaydı cumhuriyyet.net. olaraq buna əhəmiyyət verməzdik. Amma apardığımız siyasi təhlillər ciddi bir siyasi xəyanətə ipucu verir.
Olayı bir qədər də konkretləşdirək. Özünü Cumhuriyyət Xalq Partiyasının sədri kimi təqdim edən ( təqdimatı niyə belə yazdığımızı izah edəcəyik) Bədrəddin Quliyev bu günlərdə mediaya geniş müsahibə verib. Həmin müsahibədən bəzi məqamları cumhuriyyet.net olaraq olduğu kimi diqqətinizə çatdırırıq. Əvvəl oxuyun:
– “Heydər Əliyevin bizdən istəyi Naxçıvanda ona dəstək verib Muxtar Respublikada hakimiyyətə gəlmək idi. Naxçıvanda o zaman parlament faktiki iki hissəyə bölünmüşdü. Deputatların bəziləri Kommuinist Blokunda, bəziləri isə Demokratik Blokda təmsil olunurdular. Heydər Əliyev də “Demblok”un dəstəyini qazanmaq üçün Əbülfəz Elçibəyin razılığını almaq istəyirdi.”
– “Elçibəy dedi ki, ölkənin indiki vəziyyətində qüvvələri birləşdirməkdən başqa alternativ yoxdur. Heydər Əliyevə deyərsiniz ki, mən onun Naxçıvanda hakimiyyətə gəlməsinə dəstək verərəm”.
– “Ümumi razılıq əldə edildi və avqustun 27-də Naxçıvanda Ali Sovetin sessiyası çağrıldı. Ali Sovetin sədri Əkbər Əliyev vəzifəsindən uzaqlaşdırıldı. O vaxtdan sentyabrın 3-nə qədər Naxçıvan Muxtar Respublikasının Ali Məclisinin sədri vəzifəsi boş qaldı. Sədrin səlahiyyətlərini isə Rəşid Həsənov icra etdi. Sentaybrın 3-də isə növbəti sessiya öz işinə başladı. İstər Demblok, istərsə də Komblok Heydər Əliyevə səs verdi. Beləcə Heydər Əliyev Naxçıvan MR Ali Məclisinin sədri vəzifəsinə seçildi”.
Yaxın keçmişimiz haqda həqiqətləri dilə gətirmək yaxşıdı. Amma kim və necə? Bax məsələ bundadır. Bədrəddin Quliyevin gerçək ictimai portireti haqda isə cumhuriyyet.net olaraq bəzi aydınlatmaları diqqətə çatdıraq. Əslində, mediaya açıqlamasında və ictimai fəaliyyət görüntüsündə partiya sədri kimi təqdim olunan Bədrəddin Quliyev gerçəkdə bir iş adamıdır. Google axtarş sistemində adamın adı ilə baxlı araşdırma bunu tam təsdiq edir. Adi bir iş adamı bir əsrlik siyasi tariximizin iki böyük şəxsiyyətinin münasibətlərinə baş vura bilməz ki. Özü də indiki məqamda. İndi isə müsahibədə ifadə olunan məqamların siyasi tərcüməsinə diqqət edək. Qısa və net şəkildə: BƏDRƏDDİN QULİYEV FÖÖVQƏLADƏ HALLAR NAZİRİ KƏMALƏDDİN HEYDƏROVUN ADAMIDIR! Bunun başqa bir ifadəsi yoxdur və illər boyu susan “partia sədri” iki hissəli geniş müsahibə verirsə danışan özü yox şefidir. Elə isə hakim komanda daxilindəki növbəti islahat prosesində əsas hədəf olan Kəmaləddin Heydərovun vasitəsi ilə mediada Heydər Əliyev haqqında ifadə olunan fikirlərin alt anlamına diqqət edək:
– Heydər Əliyevin dəfələrlə ifadə etdiyi “mənim hakimiyyət iddiam yoxdur” fikri təkzib olunur, əksinə iddia edilir ki, o, hakimiyyət əldə etmək üçün hətta əks siyasi qüvvədən dəstək istəyib;
– Heydər Əliyevin nəinki Naxçıvanda bütün respublikada böyük nüfuza malik olduğunu o dövrdə yaşamış hər bir kəs anladığı halda “fövqəlnazir”in iş adamı olan partiya rəhbəri AXC-nin dəstəyi olmadan bunun mümkünsüz olduğuna işarə vurur;
– Heydər Əliyevin Naxçıvan MR Ali Məclisinin sədri vəzifəsinə seçilməsi bu liderin öz nüfuzu hesabına baş verməsi haqda susan K.Heydərovun “adamı” sözügedən siyasi hadisənin yanlız iki qruplaşmanın razılığı əsasında baş verdiyini bildirir.
Ortada olan reallıq bu. Sadəcə bizə düşünmək qalır: Kəmaləddin Heydərov illərlə bəslədiyi B.Quliyev vasitəsi ilə hansı mesajı verir: Bu, 1991-93-cü illər Azərbaycanda və o cümlədən Naxçıvanda baş verənlər haqda sensasion məlumatlar yayacağının şantajının anonsudur, yoxsa …
Hər halda müxalif düşərgənin siyasi mətbəxindən az çox məlumatlı olan media əhli bu şəxsin 2003-cü ildə də müzalifətin ən şansli namizədi ilə o zamankı gömrük şefi arasında vasitəçi olduğu haqda iddialar səsləndirdiyini xatırlayır. Bəlkə də indi ki iddia da o zamankı kimi “siyasi blef”, gündəmdə olmaq cəhdindən başqa bir şey deyil…
B.Quliyevin 2011-ci ildə “Yeni Müsavat” qəzetinə açıqlaması: “Xalq hərəkatında tətil komitəsinə rəhbərlik etmiş Cümhuriyyət Xalq Partiyasının sədri Bədrəddin Quliyev S.Cəlaloğlunun dediklərini təsdiqlədi. O bildirdi ki, K.Heydərovun xalq hərəkatına dəstək verdiyi haqda Naxçıvanda işləyərkən çoxlarından eşidib: “Mən 1991-ci ilə qədər Bakıda olmuşam. Xalq hərəkatı yeni başlayanda Bakıda tətil komitəsinin rəhbəriydim. 1991-ci ildə Naxçıvan Muxtar Respublikası baş nazirinin səlahiyyətli nümayəndəsi vəzifəsinə təyin olunandan sonra Naxçıvana getmişəm. O dövr Xalq Cəbhəsinin güclü vaxtları idi. Kəmaləddin Heydərovun Naxçıvanda xalq hərəkatına və muxtar respublikanın müdafiəsinə köməkliklər etdiyi haqda orada çoxlarından eşitmişdim. Yəni belə söhbətlər yayılmışdı ki, hərəkata köməklik edənlərdən biri Kəmaləddin Heydərov adlı iş adamıdır. Digər köməklik edənlər də var idi. Kazım Teymuri, Akif Kələntərli, Arif Rəhimov, Sərdar Cəlaloğlu fəal idilər. Kəmaləddin Heydərovun Naxçıvanda özünümüdafiə qüvvələrinə tank, BMP alıb verdiyi haqda da eşitmişdim. Yəni dediyim odur ki, onun xalq hərəkatına və Naxçıvanın müdafiəsinə dəstəyi olmuşdu. Xalq hərəkatı dövründə o, sahibkarlıq fəaliyyəti ilə məşğul idi. Geniş maliyyə imkanları vardı”.
B.Quliyev Kəmaləddin Heydərovu ilk dəfə 1992-ci ildə Naxçıvanda gördüyünü və fevral ayında onunla Türkiyəyə səfərə getdiyini xatırladı: “Fevral ayı idi. Bir gün rəhmətlik Heydər Əliyev məni çağırıb dedi ki, ərzaq məsələləri ilə bağlı Türkiyəyə nümayəndə heyəti aparılmalıdır. Bu işi mənə tapşırdı. Çovğunlu havada nümayəndə heyəti ilə Türkiyəyə getdik. Nümayəndə heyətinin tərkibində Kəmaləddin Heydərov da var idi. Türkiyədən Naxçıvana xeyli zəruri ərzaq məhsulları gətirdik”. (K.Heydərovun deyilən zamanda hansı fəaliyyətlə məşğul olması və B.Quliyevin iddalarına elə həmin açıqlama yer alan yazıda gərəkən cavab verilib. Burdan bax: http://musavat.com/news/%C3%B6lk%C9%99/F%C3%96VQ%C6%8FLNAZ%C4%B0Rin-KE%C3%87M%C4%B0%C5%9E-F%C6%8FAL%C4%B0YY%C6%8FT%C4%B0-%C4%B0L%C6%8F-BA%C4%9ELI-YEN%C4%B0-M%C6%8FLUMATLAR_100365.html )
Biz yazımızda iki böyük siyasi liderin münasibətlərinə xırda fiqurların qarışıb tarixi yanlışlıq etməsinə etiraz bildirmişik və Fövqəladə Hallar Nazirinə bağlılığı sirr olmayan şəxsin əslində mərhum prezident Heydər Əliyevin nüfuzuna qarşı hesablanan bu açıqlamasının təsadüfi olmadığını iddia etmişik. İddiamızda qalırıq. B.Quliyevin nə qədər ciddi siyasətçi olması haqda isə daha bir neçə detal:
Adam 2014-cü ildə Türkiyə siyasətinə də baş vuraraq sayın Kılıcdaroğlunu açıqdan açığa şantaj edir. 2014-cü ilin yanvar ayında unikal.org-a müsahibədən bir hissə: “Proseslərin gedişatı gülənçilərlə ərdoğançıların bir araya gəlməsinin mümkünsüzlüyünü göstərir. Ona görə də ana müxalifət olan CXP ilə Gülənin “Xidmət” təşkilatının ittyifaqa girməsi olduqca real görünür”.
Bütün bunlardan sonra isə olaylar.az-ın 2013-cü ilin fevralında yaydığı bir lətifəni xatırlatmaq yerinə düşər:
“Türkiyənin paytaxtı Ankara şəhəri. Hökumət evi. Baş nazirin kabineti. Rəcəb Tayyib Ərdoğan dilxor halda oturub. Xarici işlər naziri içəri girir. Ərdoğan soruşur:
– Sayın cümhurbaşqanın Serj Sərkisyanı təbrik etməsinə azərilərin təpkisi nə?
Xarici işlər naziri sakit tərzdə:
– Vallahi, sayın baş bakan, çox kızmışlar…
Ərdoğan:
– Kimlər kızmış?
– A kişi, sağlı, sollu hər kəs. Vəziyyət pisdi e.
– Sən mənə CXP lıderi Bədrəddin Quliyevdən danış. Sayın Quliyev kızdımı?
– Hənuz yox.
-Ərdoğan rahat nəfəs alır:
– O zaman boş ver, o birilərini. Əsas Bədrəddin bəydi, bizə o qızmasın.
– Bədrəddin Quliyev müxalifətçidən iş adamına necə çevrildi?
– CXP sədrinin ölkəyə gətirdiyi mallar necə güzəşt qazandı?
– İş adamı medianı gömrük generalına necə satıb?
Mövzu davam etdiriləcək…

---

---