Milli Şuranın olası mitinqinə hakimiyyət daha ciddi hazırlaşır – iştirakçılar yenə cəzalanacaq

AXCP sədri Əli Kərimlinin sentyabrın 23-ə elan etdiyi olası mitinqə iqtidar Milli Şuradan daha ciddi hazırlaşır. Bu barədə musavat.com-a etibarlı mənbələrdən məlumat daxil olub. Məlumatda iddia olunur ki, hakimiyyətin xüsusi tapşırığı əsasında universitet, orta məktəb, səhiyyə sistemi və bütün kateqoriyadan olan büdcə təşkilatlarında Milli Şuranın mitinqinə qatılma ehtimalı və potensialı olan hər kəs bəri başdan siyahılaşdırılır.

Mitinq keçiriləcək meydana – Məhsul stadionuna isə xüsusi kameralar quraşdırılır. Əsasən giriş-çıxış nöqtələrinə quraşdırılan kameralar üztanıma proqramlarına qoşulub. Bütün bu fəaliyyət nəticəsində mitinqdən dərhal sonra cəza tədbirləri işə düşəcək. Bununla da hakimiyyət Mili Şuranı və bütövlükdə yay yuxusuna dalan müxalif düşərgənin elektoratını zəiflətməyi, mitinqlərə qatılan, yaxud da gələcəkdə də qatılmağı düşünən vətəndaşları qorxudaraq, çəkindirməyi hədəfləyir. Məlumatda deyilir ki, müxalifətin indiki zəif halında bütün bunları etmək isə heç də ciddi problem yaratmır. Çünki onun elektoral bazası çox zəifdir, mitinqə çıxanların sayı azdır. Bu səbəbdən də cəmi bir neçə günlük fəaliyyətlə bütün mitinq iştirakçılarının kimliyini təsbit etmək mümkün olur.

Xatırlayırsınızsa, Milli Şuranın 8 aprel mitinqindən sonra da musavat.com iştirakçılara qarşı iqtidar tərəfindən sərt cəzalar veriləcəyindən yazmışdı.


http://musavat.com/news/milli-suranin-mitinqlerinde-istirak-edenlere-qarsi-teqib-ve-tezyiqlere-start-verildi-sensasion-melumat_431759.html

Bu məlumatlar prosesin sonrakı gedişində özünü tamamilə təsdiqlədi:

http://musavat.com/news/milli-suranin-mitinqinde-istirak-edenler-cezalandirildi-muellimler-telebeler-mis-iscileri_433238.html

---

---