İcra başçılarının kütləvi “vurulması”na start veriləcək-"QARA SİYAHI"DA KİMLƏRDİR?

Növbədənkənar prezident seçkilərindən sonra ölkənin bir sıra rayon və şəhər icra hakimiyyətlərinin başçıları dəyişdiriləcək.

Bu barədə Gununsesi.info-ya məlumatlı mənbələrdən informasiya daxil olub. Saytımızı bilgiləndirən mənbənin sözlərinə görə, son zamanlar hökumət strukturlarında aparılan yerdəyişmələr seçkidən sonra daha kütləvi hal alacaq. İlkin olaraq, əhalinin illərdir ki, etimadsızlığını qazanan icra başçıları bu prosesdə yola salınacaq.

Mənbəmimiz Prezdident Admnistrasiyasının Sənədlərlə və vətəndaşların müraciətləri ilə iş şöbəsinin müdiri Süleyman İsmayılovun ötən ilin yekunları ilə bağlı yazdığı məqalənin də əslində buna xidmət etdiyini deyib.

Qeyd edək ki, Süleyman İsmayılov öz məqaləsində Yevlax, Ağcabədi, Ağdaş, Ağstafa, Astara, Balakən, Beyləqan, Gəncə, Cəbrayıl, Göyçay, Göygöl, İmişli, Quba, Neftçala, Saatlı, Salyan, Samux, Şəmkir, Tovuz, Yardımlının icra başçılarını “vurub”.

PA rəsmisi məqaləsində qeyd edir: “Müraciətlərin növlər üzrə təhlili göstərir ki, il ərzində daxil olmuş müraciətlərin 66,5 faizi ərizə, 33,2 faizi şikayət, 0,3 faizi təklifdən ibarətdir”.

---

---